ავტობანზე მიმავალი მანქანა გორი-რუისის მონაკვეთზე რკინის ჯებირს შეეჯახა და ამობრუნდა. შედეგად, დაიღუპა ერთი ადამიანი, ოთხი კი დაშავდა.
როგორც შინაგან საქმეთა სამინისტროში აცხადებენ, გამოძიება სისხლის სამართლის კოდექსის 276-ე მუხლის მე-6 ნაწილით დაიწყო, რაც გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას, რამაც ადამიანის სიცოცხლის მოსპობა გამოიწვია.
