ამბობენ ნამდვილი ცხოვრება 40 წლის ასაკში იწყებაო. მე კი სხვა გვარად მეჩვენებოდა – 40 წლის ასაკში ყველაფერი აირია. ქმარი სკანდალურად წავიდა ოჯახიდან, შვილებთან ყოვედღიურმა ჩხუბმა, ნათესავების გაუთავებელმა რჩევა-დარიგებებმა კი დამღალა.
დაბადების დღე მარტომ, ოთახში ჩაკეტილმა გავატარე – საკუთარი თავი მეცოდებოდა.
2 წელი წყალში გადავყარე. სახლი – სამსახური – სახლი და ავადმყოფ დედაზე მოვლა. არც დრო და აღარც ძალა მრჩებოდა საკუთარ თავსა და ცხოვრებაზე მეფიქრა.
გაუთავებელი პრობლემები და ყოველდღიური რუტინა გულს მირევდა, ქმრისა და ოჯახის ამგვარი
დამოკიდებულება ყოველდღიურად მაყენებდა შეურაცხყოფას.
ერთ დღესაც გავაცნობიერე როგორ შევქმენი საკუთარი ხელებით, ფიქრებით, ქმედებით – ის რაც იმ მომენტში გამაჩნდა. და მივხვდი – თუ ამის შექმნა შევძელი, აუცილებლად შევძლებდი ცხოვრებაში რაიმე პოზიტიური გამეკეთებინა.
ამან დიდი გადატეხა მოახდინა ჩემში. მეორე დღეს ჩემი განწყობა ამიმაღლდა. დილას ბლინების ცხობამ და ჩემმა ღიმილმა ბავშვები გააოგნა, მათ აღარც კი ახსოვდათ ბოლოს ასეთი როდის მნახეს.
ახლა საკუთარი თავის რწმენა და ჰარმონია დამიბრუნდა, ენერგიით ავივსე! მამაკაცები ყურადღებას მაქცევენ, ქალები კი მეკითხებიან სად გადავიჭიმე სახის კანი ან როგორ ვახერხებ ასეთ კარგ ფორმაში ყოფნას.
მთავარი კი ის არის, რომ ჩემს ცხოვრებაში გამოჩნდა საყვარელი ადამიანი, რომელსაც ვუყვარვარ და ეს თავად მე ვარ.
ნაზი, მოსიყვარულე, კეთილი, გულუხვი, წარმატებული, ნიჭიერი და სასურველი, მშვიდი და დარწმუნებული, თანამედროვე, ვნებიანი, თვალისმომჭრელი და სექსუალური.
მოგმართავთ გოგონებს!
ნუ გაიმრუდებთ ცხოვრებას, დატკბით ყოველი დღით, ისწავლეთ საუკეთესოებიდან. ხშირად ეწვიეთ წვეულებებსა და კონცერტებს, წინ წამოსწიეთ თქვენი ქალურობა.
ისიამოვნეთ დღევანდელი დღით და პოზიტივი აუცილებლად დაგიბრუნდებათ.
გთხოვთ მოიწონეთ და გააზიარეთ სტატია.. ასევე გაგვიზიარეთ თქვენი აზრი კომენტარებში..
ავტორი: ანა ვერძაძე; სტატია მომზადებულია ჟურნალ რეიტინგში გამოაქვეყნებული წერილის მიხედვით.
ყურადღება: ფოტო პირობითია
