საზოგადოებრივი მაუწყებლის აჭარის ტელევიზიისა და რადიოს თანამშრომელ ლოლა ტუმასიანს კოლეგები ემშვიდობებიან. ჟურნალისტი ბოლო რამდენიმე წლის განმავლობაში მძიმე სენს ებრძოდა და მისი გარდაცვალების შესახებ ცნობა დღეს დილით გავრცელდა.
„დაიძინე მშვიდად ძვირფასო, ამ ფოტოზე გეჩხუბე უშნოები ვართ თქო , არადა ცხოვრება ყველას გვცვლის, ხან უფრო მშვენიერები ვართ ხან პირიქით, საოცარი თანამშრომელი იყო ,სიყვარულით სავსე, რა სამწუხაროა რა სამწუხარო … დიდებული ლოლა ანანიძე”,-წერს კობა ფარტენაძე.
„ამ დილით გაღვიძება შოკისმომგვრელი და ტრავმული იყო. რთულია ისაუბრო ამ ტრაგედიაზე, უბრალოდ ასეთი, ლაღი, ხალისით სავსე, ფერადი და უკარგესი ადამიანები სამყაროს არ უნდა ტოვებდნენ. სამწუხაროდ ბედისწერის წინაშე ყველა უმწეოები აღვმოვჩნდით. რამდენი ტკბილი მოგონება დაგვრჩა ლოლა ანანიძე”, – წერენ ჟურნალისტის კოლეგები.
