ემიგრანტი ცისნამი საყვარლიშვილი მორიგ მიმართვას ავრცელებს.
„ვიცი ძალიან თავს გახვევთ ჩემს ტკივილებს, მაგრამ თქვენც თუ არ შემოგჩივლეთ, არ ვიცი რა ვქნა. ასე მგონია მშველის აქ დაწერილი სიმართლე და იქნებ თქვენმა სულიერმა მხარდაჭერამ გადამარჩინოს.
კარგით, გავიგე რომ მე ცუდი დედა ვარ! მე არ ვიცი შვილთან სწორად მოქცევა. დავუშვათ უკანასკნელი ნაგავი ვარ და ჩემთან ცხოვრება არ უნდა.
მაშინ, შენ როცა მამა ხარ, პენსილვანიაში მშვიდ და მყუდრო უბანში იყიდე სახლი! ვისთვის იყიდე? მხოლოდ საკუთარი თავისთვის? გყავს სამი ტრაილერი, ერთზე თავად მუშაობ, ორზე მძღოლი გყავს. ვინც ამერიკაში ცხოვრობს იცის რომ საკმაოდ კარგი შემოსავალია. ერთი მანქანიდან თვეში 20 000, 25 000 შემოსავალია. ამხელა ბიზნესი გაქვს, სახლი გაქვს ამერიკაში და საკუთარ შვილს იშორებ თავიდან. სრული ამ სიტყვის მნიშვნელობით თავიდან იშორებ, რომ შენთან არ იცხოვროს და მასზე ფული არ დაგეხარჯოს ამერიკაში.
აჰა, თბილისში შენახვა ადვილია. აქედან გაგზავნილი დოლარები ლარზე მაღალია. საჯარო სკოლა და ერთი კინკილა კალათბურთის აკადემიის გადასახადი არაფერია იმასთან რაც ამერიკაში უნდა დაგეხარჯა.
ეს არ არის ბოროტება? როცა შეგიძლია შვილი შენს გვერდით იყოს და შენ მას მოხუც მშობლებთან აგზავნი!
წლების წინ ეს ადამიანი მე თვალებში მიყურებდა და მპირდებოდა რომ ბინას მიქირავებდა და ჩვენს სიყვარულს, ჩვენს ოჯახს გადაარჩენდა, დაიცავდა ალქაჯი დედისგან, რომელიც ხალხო სახელითაც კი არ მომმართავდა, #ყივჩაღს მეძახდა. ეს სიტყვები არ შეასრულა.ამ აგვისტოში მითხრა, რომ იანვარში ირაკლი ჩამოვიდოდა რამდენიმე კვირით, რომ 6 თვეში ერთხელ ქვეყანაში შემოსვლა დაფიქსირებულიყო და “გრინ კარტა” არ გაეფუჭებინა. ახლა მეუბნება რომ აღარ აპირებს ირაკლის აქ დროებით ჩამოყვანას საბუთების გადასარჩენად.ხედავთ ხალხო რამხელა ბოროტებას აკეთებს?!
მე თუ მიწა დასაყრელი ვარ და საშინელი დედა ვარ, შენ იყავი კარგი მამა და შეუნარჩუნე შვილს საბუთები!მთელი საქართველო ოცნებობს ამერიკის ვიზაზე და უსაბუთო ემიგრანტები “გრინ კარტაზე.” ხალხი რაზე აღარ მიდის რომ საბუთები გააკეთოს. დღეს და ღამეს ასწორებენ შრომაში. მიდიან ყალბ ქორწინებაზე, რისკავენ თავს და სიცოცხლეს.
7 წელი ველოდებოდი საბუთებს. 7 წელი ველოდებოდი ირაკლის ამერიკაში ჩამოსვლას. უამრავი დრო, თანხა და ენერგია ჩავდეთ ამაში მე და ალექსანდრემ და ახლა, ეს ადამიანი უნგრევს შვილს ყველაფერს.
ოცნებებზე უკვე უარი ათქმევინა, ( D 1, IVL ) და ახლა იმის შანს უკარგავს ბავშვს რომ ამერიკის პასპორტი აიღოს.
ნუ იცხოვრებს ჩემთან ხალხო! ჩამოვიდეს, პასპორტი აიღოს და ისევ წავიდეს ავჭალაში. მე არავის ვაიძულებ ჩემთან ყოფნას, არც დედას და არც შვილს.ოღონდ საბუთები არ გააფუჭოს!
არავინ არ ხართ ღვთისნიერი რომ ჩემი ტკივილი გაიგოთ? როგორც კი სრულწლოვანი გახდება ვეღარ შევძლებ მისთვის საბუთების გაკეთებას.
მეორე შანსი ყოველთვის უნდა დაიტოვო ადამიანმა. რატომ ამბობ შვილო ამ შანსზე უარს? რა იცი რა ხდება? იქნებ როგორ გამოგადგეს
მომავალში ამერიკის მოქალაქეობა?! იქნებ შენს შვილს გამოადგეს. რატომ იღუპავ თავს?! სად გარბის ეგ ავჭალა?! აიღე პასპორტი და წადი! თავად ჩაგილაგებ ჩემოდნებს!
თუ ჩემთან არ გინდა, ვერ დაგაბამ, წადი, ოღონდ ერთი საჩუქარი წაიღე ჩემგან, ამერიკის მოქალაქეობა, რომ ერთი კარგი საქმე მაინც გავაკეთო შენს ცხოვრებაში. სამყარომ დამსაჯა და შენი გაზრდა არ მარგუნა, ხოდა ამ საჩუქარზე მაინც ნუ იტყვი უარს.
ჩამოდი შვილო, გააკეთე მოქალაქეობა და მერე თუ გინდა სულ წადი დედისგან!
თვალებს დავიბრმავებ და ენას მუცელში ჩავიგდებ! ოღონდ ეს ბოლო საჩუქარი მიიღე ჩემგან.უარი არ თქვა ამერიკის პასპორტზე გთხოვ!
ერთი ის რომ გაგაჩინე და მეორე ის რომ მსოფლიოს ყველა ქვეყანაში იმოგზაურებ უვიზოდ! ნუ გაუშვებ ამ შანს ხელიდან.ვინც მეგობრობთ ირაკლის მამასთან, ბებიასთან ადამიანურად აუხსენით ეს ყველაფერი, გთხოვთ.
გაუგებელს რას ვამბობ ხალხო?!
ჯანდაბას თუკი ჩემთან ყოფნა არ უნდა! გააკეთოს ამერიკის პასპორტი და მერე თუ უნდა არასდროს მოიკითხოს დედა!
ვინმემ გააგებინეთ რა იქნება რა?!
ჩემი არ ესმით რა!
მადლობა.” – წერს ცისნამი საყვარლიშვილი
