მაია ასათიანი პასუხობს ერთ-ერთი გამომწერის კრიტიკას მის ჩაცმულობასთან და გარეგნულ იერსახესთან დაკავშირებით. გამომწერი მისთვის პირადად მიწერილ შეტყობინებაში ამბობს, რომ ტელეწამყვანმა შვილის გარდაცვალების შემდეგ ასე ჩაცმულმა არ უნდა იაროს.
მაია აღნიშნავს, რომ მართალია, ახლობლები ურჩევენ, ასეთ მესიჯებს პასუხის არ გასცეს, მაინც გადაწყვიტა ვიდეოს ჩაწერა:
„არ მინდოდა, რომ ასეთი ვინმეს ვენახე. კი მეუბნებით, რომ ასეთ მესიჯებს არ უნდა ვუპასუხო. 8 წელი გავიდა. 8 წლის განმავლობაში ყველაზე მეტი ნახვა აქვს თემებს, უნდა მეცვას თუ არა საცურაო კოსტიუმი, უნდა დავდიოდე თუ არა დასასვენებლად თუ სავარჯიშოდ და ყველაზე მეტი კომენტარი აქვს თემას, უნდა ვუვლიდე თუ არა საკუთარ თავს. ყველა დღე არის ბრძოლა ჩემნაირი ქალისთვის. ეს ტვირთი ზურგზე გაქვს წამოკიდებული და ატარებ, მაგრამ არც ერთი წამით გავიწყდება… ყველა დღე არის ბრძოლა… თუ ვინმეს ეს დააწყნარებს და დაამშვიდებს, ამ ბრძოლაში ვარ აგერ უკვე რვა წელია. ძალიან არ მინდოდა, რომ ვინმეს ეს ენახა… გამოვყავარ წყობიდან ადამიანებს, რომლებიც მუდმივად ლაპარაკობენ, უნდა მეცვას თუ არა დეკოლტე და საცურაო კოსტიუმი…“
View this post on Instagram
