აშშ-ში, არიზონას შტატში ქალმა ორი შვილი ხორცის საჭრელით მოკლა. შემთხვევა 4 წლის წინ მოხდა, თუმცა ქალმა თავისი განაჩენი ცოტა ხნის წინ გაიგო. ამის შესახებ ინფორმაციას უცხოური მედია ავრცელებს.
არსებული ცნობით, ქალს სამუდამო პატიმრობა მიესაჯა მისი 7 და 9 წლის შვილების მკვლელობის გამო. როგორც აღმოჩნდა, ქალი ბავშვებზე სისტემატურად ძალადობდა.
მეზობლებმა პოლიცია მას შემდეგ გამოიძახეს, რაც სახლიდან კამათის ხმა გაიგონეს. სახლში ქალი თავის ყოფილ ქმარს ფინანსებთან დაკავშირებით ეჩხუბებოდა.
კამათის შემდეგ ინოუს ყოფილმა ქმარმა სახლი დატოვა. როდესაც კამათის გამო პოლიცია მათ სახლში მივიდა, ამ დროს ბავშვები ჯერ კიდევ ცოცხლები იყვნენ. ამიტომ, პოლიციამ ადგილი მალევე დატოვა.
პროკურორების თქმით, პოლიციის წასვლიდან მალევე, ინოუე შვილების საძინებელში შევიდა და „თითოეული ბავშვი იატაკზე დააწვინა, შემდეგ კი ხორცის საჭრელით დარტყმა მიაყენა“. ინოუმ ბავშვებს დაახლოებით 100-ჯერ დაარტყა.
პროკურატურის განცხადებით, ინოუმ შემთხვევის ადგილის დასუფთავება სცადა. მან შხაპი მიიღო, სისხლით შეღებილი ტანსაცმელი ნაგვის პარკში ჩააგდო და იარაღი ნაწილობრივ გარეცხა. მან ასევე ჩაალაგა ჩანთა, რომელშიც მისი პასპორტი, ნაღდი ფული და სამკაულები იყო. ამის შემდეგ მან შვილების სხეულები ნაგვით, ლეიბით და სხვა საყოფაცხოვრებო ნივთებით დაფარა. ბოლოს კი ბინას ჩაკეტავდა და წავიდა.
ოფიციალური პირების თქმით, ინოუე ახლომდებარე პოლიციის განყოფილებაში მივიდა და ოფიცერს უთხრა, რომ გაიგონა ხმები, რომლებიც ეუბნებოდნენ, რომ შვილები მოკლა და სისხლი დაინახა. პოლიცია ბინაში დაბრუნდა და ბავშვები გარდაცვლილები აღმოაჩინა.
განაჩენის გამოტანისას ინოუმ, სავარაუდოდ, უარყო შვილების მკვლელობა და სასამართლოს წინაშე უცნაური განცხადებები გააკეთა. ადგილობრივი მედიის ცნობით, ინოუმ მოსამართლეს უთხრა: „ჩემი შვილები არ დაღუპულან. ისინი ჩემს მშობლებს ჰყავთ. ისინი დროს ჩემს მშობლებთან ატარებენ“.
წყარო: primetime
