სოციალურ ქსელში ინფორმაცია გავრცელდა, რომლის მიხედვითაც, ბავშვს წყლის ,,ბაკურიანი ციდა” დალევის შედეგად პირ-ხახა დაეწვა.
ამას, სოციალურ ქსელშინი მშობლების პანიკა მოჰყვა – ისინი ერთმანეთს აფრთხილებენ, რომ აღნიშნული წყალი ბავშვებს არ დაალევინონ.
Ambeb.ge-მ გაარკვია, რომ ერთი ბავშვი მართლაც მოხვდს იაშვილის კლინიკაში და იქ მკურნალობს.
იაშვილის კლინიკის საზოგადოებასთან ურთიერთობის სამსახურის წარმომადგენლის თქმით, პაციენტის მდგომარეობაზე და სხვა დეტალებზე ინფორმაციას ვერ გაავრცელებენ.
,,სამწუხაროდ, ბავშვის მდგომარეობაზე პირადი ინფორმაციის მესამე პირზე გაცემის უფლება არ გვაქვს. ამიტომ კლინიკის მხრიდან კომენტარი ვერ გაკეთდება. ბავშვი რჩება კლინიკაში. როგორც ვიცით, გამოძიება დაწყებულია, მდგომარეობაზე ვერ გავაკეთებთ კომენტარს, ბოდიში. იურისტისგან მაქვს თხოვნა რომ მესამე პირზე არ გავცეთ არანაირი ინფორმაცია”, – ამბობს კლინიკის წარმომადგენელი.
ხოლოდ სურსათის უვნებლობის ეროვნული სააგენტოში აცხადებენ:
,,ნებისმიერ შემთხვევაში სააგენტო მოკვლევას ჩაატარებს და შესაბამის განცხადებას გავაკეთებთ. ასეთი სახის ინფორმაციაზე მოკვლევა ყოველთვის ტარდება”.
მოგვიანებით, განცხადება გაავრცელა კომპანია IDS ბორჯომმა.
,,სოციალურ ქსელში გავრცელდა ინფორმაცია, რომ ,,ბაკურიანი ციდას“ ბოთლიდან დალეული სითხით მოხდა მცირეწლოვანი ბავშვის ჰოსპიტალიზაცია. გაცნობებთ, რომ კომპანიის მხრიდან მყისიერი რეაგირების შედეგად, გადამოწმდა კონკრეტულ მაღაზიაში (სადაც ჩვენს ხელთ არსებული ინფორმაციით მოხდა პროდუქტის შეძენა) ნიმუშები და დარღვევა არ გამოვლენილა. პარალელურ რეჟიმში, შევამოწმეთ ამჟამად ქსელში არსებული ყველა პარტიის ნიმუში და ვადასტურებთ, რომ აღნიშნულ ნიმუშებში დარღვევა არ დაფიქსირებულა. ასევე გადამოწმდა საწარმოო პროცესის სრული ტექნოლოგიური ციკლი, რომელიც გამორიცხავს პროდუქტში რაიმე უცხო ნივთიერების მოხვედრას”, – ამბობენ კომპანიაში.
