პოლიტიკოსი თინა ხიდაშელი რამდენიმე თვის წინ დაინფიცირდა, კლინიკიდან გამოწერის შემდეგ კი მისი მდგომარეობა პოსკოვიური სინდრომით დამძიმდა.
საკუთარი ჯანმრთელობის მდგომარეობის შესახებ ის გადაცემა “ექიმებში” საუბრობს.
“ბევრი ეპიზოდი მქონდა წაქცევის ქუჩაშიც, რაღაც მომენტში მივხვდი, რომ გარდაუვალია სავარძელიც, იმიტომ რომ ეს საშუალებას მაძლევს, რომ გამოვიდე გარეთ თან მეტი სტაბილურობის განცდა გაქვს და შიში გიქრება, რომ წაიქცევი.
ყოველ კვირას დამატებითი შეზღუდვა მიჩნდება, წინა კვირას სავარძელში არ ვიჯექი, 1 კვირაა რაც სავარძელში ვზივარ. ამის გარდა, პოსკოვიდური ერთ-ერთი სინდრომი არის დიაბეტი, რომელიც არ მქონია, მაგრამ ახლა მაქვს.
ეს სახე ძალიან მაღიზიანებს და სარკეში საერთოდ არ ვიხედები, ახლა შედარებით შემცირებულია, სამი კვირის წინ გაცილებით უარეს მდგომარეობაში იყო. შემცირებულია ვიზუალურად, სინამდვილეში, შიგნით შევიდა ახლა უკვე. ცოტა ვჩიფჩიფებ, იმიტომ რომ ღრძილები დასიებული მაქვს.
არ ვიცოდი, რომ “ფეისბუქის” მესინჯერს ჰქონია ნაწილი, სადაც მოდის მესიჯები არამეგობრების. ისე მრცხვენია ვერ წარმოიდგენთ, 2 კვირის წინ აღმოვაჩინე 5 თვის განმავლობაში გამოგზავნილი რამდენიმე ათეული ათასი მესიჯი, იცით როგორი გზავნილები?
ბევრ ათას ადამიანს ქეჩოთი ვეჭირე და იმ უფსკრულიდან მათრევდა. იმ დღეს დამთავრდა ჩემი ავადმყოფობა, მივხვდი, რომ რაღაც გაგებით, ტყუილად არ მიცხოვრია და ცხოვრება უნდა გავაგრძელო,” – ამბობს თინა ხიდაშელი.
შეგახსენებთ, რომ თინა ხიდაშელმა პოლიტიკური საქმიანობა 2005 წლიდან მეუღლესთან, დავით უსუფაშვილთან ერთად დაიწყო. ის გაწევრიანდა საქართველოს რესპუბლიკურ პარტიაში.
უსუფაშვილი ამ პარტიის თავმჯდომარე გახდა, ხოლო ხიდაშელი იყო საერთაშორისო მდივანი 2009 წლამდე და დედაქალაქის საქმეთა მდივანი 2009-2012 წლებში.
2010-2012 წლებში იყო თბილისის საკრებულოს წევრი. 2012-2015 წლებში იყო საქართველოს მე-8 მოწვევის პარლამენტის წევრი (საგარეჯოს მაჯორიტარი), საარჩევნო ბლოკი: „ბიძინა ივანიშვილი – ქართული ოცნება“. 2015 წლის 1 მაისს დაინიშნა საქართველოს თავდაცვის მინისტრად.
