გარდაიცვალა მოსამართლე გიორგი ჩემია.
ინფორმაციას მისი კოლეგა მაია ჯვარშეიშვილი ავრცელებს.
„მე ძალიან კეთილი, ერთგული და საიმედო მეგობარი მყავდა…
მრცხვენია, რომ გვერდით ისე ვერ დავუდექით, როგორც იმსახურებდაო, ერთმა ძალიან კარგმა ადამიანმა დაწერა… მართალია.. გვაპატიე გიო, რომ ისე ვერ დაგიდექით გვერდით, როგორც იმსახურებდი…
შენ არ დაგიმსახურებია ის ტკივილი, რომელსაც ვერ გაუძელი. მშვიდად განისვენე… უფალი, რომელიც შენ გწამდა, გიყვარდა და გეიმედებოდა, ყველაფერს ხედავს…
მჯერა, შენი სული დაიმკვიდრებს სასუფეველს მართალთა შორის და იქიდანაც არ მოაკლებ ლოცვას შენს ოჯახს… არც ჩემი ოჯახი დაგავიწყდება… ამქვეყნად ხომ არ გვაკლდა შენი ლოცვა. მშვიდობით.. უსამართლობაა შენი გარდაცვალება, გიორგი ჩემია“, – წერს მაია ჯვარშეიშვილი.
ცნობისთვის, გიორგი ჩემია სანდრო გირგვლიანის საქმის განმხილველი იყო.
2010 წლის ოქტომბრიდან ის თბილისის სააპელაციო სასამართლოს მოსამართლედ დაინიშნა.
