”მაღაზიაში ფუნთუშის საყიდლად შევედი და გამყიდველს ფული მივაწოდე, აიღო კალკულატორი და რამდენიმე წუთში ისეთი რაღაც მითხრა გაოცებისგან პირი დავაღე…”

ცოტა ხნის წინ სოციალური ქსელის ერთ-ერთმა მომხმარებელმა საკუთარ გვერდზე საკმაოდ სახალისო, თუმცა არც ისე “სასიამოვნო” ისტორია გამოაქვეყნა. აღნიშნულ პოსტს უცვლელად გთავაზობთ:

მე: – რა ღირს ფუნთუშა?

გამყიდველი: – 60 თეთრი

მე: – 5 ცალი მომეცით, თუ არ შეწუხდებით

გამყიდველი: – ახლავე. ფუნთუშები ჩამილაგა პარკში და მოიმარჯვა კალკულატორი. 5 წუთიანი დაანგარიშების შემდეგ:

გამყიდველი: – რამდენი მომეცით ბატონო?

მე: – 20 ლარი

გამყიდველი: – ე.ი. თქვენ მე მომეცით ოცლარიანი, შესაბამისად, მე თქვენ უნდა დაგიბრუნოთ … ისევ თავიდან დაიანგარიშა. 20 -60-60-60-60-60 = -280 ?

აუუუ, ეს კალკულატორი რა მაგრად უბერავს!

მე: – 3 ლარი უნდა აიღოთ, ქალბატონო. ნოქარი: (ისევ ჩააფრინდა კალკულატორს) 20-3=17 სწორია?

მე: – სავარაუდოდ, არ ტყუის. გამყიდველი: – მოდი მაინც გადავამოწმოთ. სიფრთხილეს თავი არ სტკივა. 20-3=17. დიახ! მე თქვენ უნდა მოგცეთ ჩვიდმეტი ლარი. სწორია?

მე: – მგონი კი.

გამყიდველი: – მაპატიეთ, ჩემი პირველი დღეა საცხობში.

გთხოვთ მოიწონეთ და გააზიარეთ სტატია, ასევე გაგვიზიარეთ თქვენი აზრი კომენტარებში.