მომღერალ თიკა ჯამბურიას ფართო საზოგადოება ჯერ კიდევ ბავშვობიდან იცნობს, როცა მის მიერ შესრულებული სიმღერა ჰიტად იქცა.
მას შემდეგ თიკას კარიერისა თუ პირადი ცხოვრების მიმართ ინტერესი მუდმივად არსებობდა და მომღერლის გათხოვების შესახებ არაერთი ჭორიც დადიოდა.
მომღერალმა პოდკასტში თედო გოგოლაძესთან, მისი ცხოვრების მნიშვნელოვან მომენტებზე ისაუბრა და ყოფილი მეუღლის ბექა ხოფერიას ქორწილში წასვლის შესახებაც ისაუბრა. მისი თქმით, ყოფილ მეუღლესთან მეგობრობს და არც ახსოვს რა აწყენინა წლების წინ ბექამ.
„ახლა ზაფხულში ვიყავი ჩემი ყოფილი ქმრის ქორწილში. ვერ გააანალიზა ქართველმა ხალხმა, როგორ შეიძლება, როცა ასე გული გატკინა და გაწყენინაო. ერთი წამითაც კი არ მახსოვს, რა მატკინა და რა მაწყენინა.
ძალიან კარგი მეგობრები ვართ. გვყავს შვილი, რომელსაც ჯანსაღი გარემო უნდა ჰქონდეს. რატომ მოსწონთ ის, რომ ყოფილი უნდა იყოს აუცილებლად მტერი…
წარსულს თუ არ გაუშვებთ და თუ არ დაუწყებთ ლაღად ცხოვრებას, ისევ იმ წარსულში იცხოვრებთ, ვერასდროს ბედნიერები იქნებით“, – ამბობს თიკა ჯამბურია.
