კლინიკური ონკოლოგი, რეზიდენტი გიორგი ღოღობერიძე სოციალურ ქსელში საკმაოდ ემოციურ პოსტს აქვეყნებს. ჩვენს გიორგის პოსტს უცვლელად გთავაზობთ:
„ცხოვრებაში მეც არაერთხელ დამჭირვებია მიტევება, მაგრამ ადამიანები ან არასდროს მპატიობდნენ, ან იმდენად გვიან, რომ უკვე წლები იყო გასული.
გაბრაზება და სამაგიეროს გადახდის სურვილი ძალიან მაცდურია.. ამაზე ბევრად უფრო რთულია, საკუთარ თავში იპოვო ძალა და წყენის მიტევება შეძლო..
მივუტევოთ და მოგვეტევება.. კვლავ მივუტევოთ და კვლავ მოგვეტევება…
დღეს რომ თავი მაღლა დავიჭირო, ხვალ შეიძლება თავად აღმოვჩნდე მძიმე განსაცდელში…
ჯერ კიდევ რამდენიმე თვის წინ ვთქვი, რომ რაც უნდა მომხდარიყო ცხოვრებაში, თავს მაღლა არასდროს ავწევდი და ისევ უბრალო ადამიანად დავრჩებოდი.. პირობაუნდა შევასრულო…
განა მე არ ვიცი, რომ შეიძლება საზოგადოების ნაწილი გამიბრაზდეს? ვიცი.. მაგრამ საკუთარ თავთან მართალი თუ არ ვიქნები, მე ვერ შევძლებ მშვიდად ცხოვრებას..
ექიმს ყველაზე მეტად მოეთხოვება სულგრძელობა და დათმენა.. არანაირი სარგებელი არ მქონია ამ ყველაფრიდან, არანაირი.. გავა დრო და თავადაც დაინახავთ, რომ იმ ყველა პირობას ჩემით შევასრულებ, სხვების გარეშე“,- წერს გიორგი ღოღობერიძე.
სავარაუდოდ, მისი ფეისბუქსტატუსი ტელეკომპანია “იმედის” მორიგ გადაცემაში მონაწილეობას ეხება.
- შეგახსენებთ, რომ გიორგი ღოღობერიძის გადაცემაში “პრაიმ შოუ” მონაწილეობას დიდი სკანდალი მოჰყვა.
იგი მიწვეული სტუმარი გახლდათ, სადაც მან სოციალური ქსელით ხალხის დახმარებაზე ისაუბრა, თუმცა, გადაცემის ერთ-ერთმა წამყვანმა ნინო ნადირაძემ მიმართა, რომ მისი რჩევები შესაძლოა, საზოგადოებისთვის საშიში ყოფილიყო, რადგან მას პროფესიული დიპლომი არ ჰქონდა.
ნინო ნადირაძის მწვავე კითხვები გიორგი ღოღობერიძის კონკრეტულმა ფრაზამ გამოიწვია:
„მთელი პასუხისმგებლობა არის ის, რომ მსმენელი ყურადღებით გისმენს. რატომ წამოვჭერი ასე აქტიურად? რაც ტელევიზიებში არ ჟღერდებოდა აქტიურად და რაც სჭირდებოდა საზოგადოებას, იმის გაჟღერება დავიწყე” – აღნიშნა ღოღობერიძე.
„მე ჩემს თავს უფლებას არ ვაძლევდი ვინმესთვის რაიმე რჩევა მიმეცა, რჩევები კონკრეტული მიმართულების, კონკრეტულ სპეციალისტს უნდა მიეცა, თქვენ ინფექციონისტი ბრანდებით? – ჯერ არ გაქვთ ექიმის დიპლომი, თქვენ გქონდათ უფლება ეს გაგეკეთებინათ, როგორც ექიმს? – ასე მიმართა ღოღობერიძეს ნადირაძემ.
გადაცემის ეთერში გასვლის შემდეგ, გიორგი ღოღობერიძემ აღნიშნულთან დაკავაშირებით სოციალურ ქსელში პოსტი გამოაქვეყნა:
მართლა არ ვიცი, რატომ მიმიწვიეს ამ გადაცემაში, მაგრამ ძალიან საწყენი გახდა, როდესაც მიზეზი გადაცემის მსვლელობისას გავიგე..
