უკრაინამ და აშშ-მ უმნიშვნელოვანეს შეთანხმებას მიაღწიეს. როგორც Financial Times წერს, მათ შეათანხმეს ძვირადღირებული მინერალების შესახებ გარიგების დეტალები, რაც უკრაინის ტერიტორიაზე მოპოვებული წიაღისეულის, მათ შორის ნავთობის და ბუნებრივი აირის ერთობლივად მოპოვებას გულისხმობს.
იქედან გამომდინარე, რომ აღნიშნული რესურსების მნიშვნელოვანი ნაწილი უკრაინის იმ ტერიტორიაზეა, რომელიც რუსეთს დაკავებული აქვს, შეთანხმება იძლევა გარანტიას, რომ ამერიკა აიღებს უკრაინის ამ ტერიტორიების დაცვაზე პასუხისმგებლობას.
მანამდე, შეთანხმების მიღწევას ხელს პირობები უშლიდა, რაც ზელენსკისთვის მიუღებელი აღმოჩნდა. უფრო ზუსტად, ის არ დაეთანხმა პუნქტს, რომლის მიხედვით, უკრაინას მომავალში, რესურსების მოპოვებიდან მიღებული თანხები მთლიანად აშშ-სთვის უნდა გადაეცა, მანამ ეს თანხა 500 მილიარდ ევროს არ მიაღწევდა.
უცნობია, რა დეტალები ჩაიწერა ხელმოსაწერად გამზადებული შეთანხმების ახალ ვერსიაში.
