ზღვის მარილი – მას შეუძლია თქვენი ყოველდღიური ცხოვრება უკეთესობისკენ შეცვალოს

როდესაც ზღვის მარილზე ფიქრობთ, შესაძლია ფიქრი თქვენი საყვარელი დესერტისკენ გაგექცეთ, მაგალითად მუქი შოკოლადის და ზღვის მარილის მუსისკენ. თუმცა გარდა საკვები დანიშნულებისა, ზღვის მარილს სხვა მრავალი ფუნქციაც აქვს. ორგანიზმის გაწმენდიდან დაწყებული,  თქვენი საყვარელი პერანგის ოფლის ლაქების მოცილებით დამთავრებული.  მრავალი მიზეზი არსებობს, იმისთვის, რომ თქვენს აბაზანაში ყოველთვის იქონიოთ ზღვის მარილი.

• მარილის გამაჯანსაღებელი აბაზანები

ზღვის მარილის გამოყენების ერთ-ერთი პოპულარული მეთოდია მარილის აბაზანების მიღება.  (შეგიძლიათ გამოიყენოთ ნებისმიერი  ზღვის მარილი, Epsom ან სხვა).

ეს მეთოდი ემსახურება სხეულის გაწმენდას მავნე ნივთიერებებისგან, როგორიცაა, მაგლითად, მძიმე მეტალები და სხვა.  აგრეთვე, ეს აბაზანა თქვენს კანს გაამდიდრებს მინერალებით: კალიუმით, რკინით, თუთიით. თუ გადაწყვეტთ ზღვის მარილის გამოყენებას, დარწმუნდით, რომ ის კარგი ხარისხისაა. მოერიდეთ მუქი ფერის მარილის გამოყენებას, რადგან ის დაბინძურების ნიშანია.

• საყოფაცხოვრებო ჰიგიენა

მარილი, ზოგადად, გამწმენდ საშუალებად მიიჩნევა. ასე, რომ თუ გსურთ მარაგში გქონდეთ არატოქსიკური ჰიგიენის საშუალებები, ზღვის მარილი შესანაშნავი ალტერნატივაა. მისგან შეგიძლიათ დაამზადოთ უნუტაზის გამწმენდი,  პასტისებური მასა საცხობი ღუმლის გასაპრიალებლად,  სარეცხის დამარბილებელი საშუალების მომზადებაც კი შეგიძლიათ,  რათა თქვენს ტანსაცმელს სიხალის და სისუფთავის სურნელი სდიოდეს.

• თმის მოვლის საშუალება (სპრეი)

ბევრი პოპულარული ბრენდი იყენებს  ზღვის მარილის თმის მოვლის სშუალებებში. იცოდით, რომ ასეთი ხსნარის მომზადება სახლის პირობებშიც შეგიძლიათ? ამისთვის უნდა აიღოთ აიღეთ სუფთა ბოთლი, ჩაყაროთ შიგ 1 სუფრის კოვზი ზღვის მარილი,  დაუმატოთ 1 ჭიქა თბილი წყალი და ანჯღრიოთ კარგად, სანამ ზღვის მარილი ბოლომდე არ გაიხსნება. შემდეგ დაუმატოთ  1 სუფრის კოვზი ორგანული და არარაფინირებული ქოქოსის ზეთი და 1 სუფრის კოვზი თმის  კონდიციონერი. სულ ესაა! დამატებითი სურნელისთვის შეგიძლიათ დაამატოთ თქვენი საყვარელი ეთერზეთის რამდენიმე წვეთი.

• ტანის გამწმენდი ნიღაბი (სკრაბი)

შინაური გამწმენდი ნიღბებისის დამზადებაზე საუბრისას პირველ რიგში შაქარი გვახსენდება, თუმცა ზღვის მარილიც შესანიშნავი ალტერნატივაა.  ზღვის მარილისგან გამწმენდი ნიღაბი რომ დავამზადოთ, ის, უბრალოდ, თქვენს საყვარელ ზეთს უნდა შეურიოთ, რომელსაც ტანის მოვლისთვის იყენებთ. ამ ნაზავისთვის უნდა გამოიყენოთ მინის ქილა.  შეგიძლიათ აირჩიოთ უკვე დაპატენტებული ზეთი, როგორიცაა ტკბილი ნუში, აგრეთვე გამოიყენოთ ყურძნის თესლი, ჟოჟობა ან რაიმე სხვა.  სურნელისთვის დაამატეთ ერთი წვეთი თქვენი საყვარელი სუფთა ეთერზეთი.

• ოფლის ლაქების მოშორება

ყოფილა შემთხვევა, როდესაც დაგიხედავთ თქვენი საყვარელი მაისურისთვის და ზედ საძაგელი ყვითელი ლაქები შეგიმჩნევიათ?  ნუ წუხხართ, გამოსავალი არსებობს. უბრალოდ, 4 სუფრის კოვზ ზღვის მარილს ერთი მეოთხედი ცხელი წყალი შეურიეთ, დაასველეთ ღრუბელი და ლაქები ამოწმინდეთ. ისინი თქვენს თვალწინ დაიწყებს გაქრობას. თქვენი პერანგი ისევ ახლივით იქნება.

თარგმანი და ადაპტაცია წყაროდან  “Brainum”