თამუნა მუსერიძემ გამომწერების კითხვებს უპასუხა.
ერთ-ერთი მათგანი დაინტერესდა, როგორ შეაფასებდა მაია ასათიანის განცხადებას, რომელიც ნანუკა ჟორჟოლიანის გადაცემაში სტუმრად გააკეთა.
„დავიწყოთ იქიდან, რომ მე არასდროს არ მითქვამს, რომ ეს ჩემი წამოწყებული იყო და ვერ ვხვდებით, რატომ ამბობს – „თამუნას უნდა ეთქვა, რომ მისი დაწყებული არ არისო“.
ნათესავების პოვნების ეპოპეა საქართველოში დაუწყია გივი ბერიკაშვილს. გადიოდა იმედზე გადაცემა და ერქვა „არ იდარდო“. ანუ რეალურად, საქართველოში ამის დამწყები არის გივი ბერიკაშვილი და თუ მე მთხოვენ ვთქვა, რომ მე არ ვიყავი პირველი, მაშინ სხვამაც უნდა თქვას, რომ არც ის ყოფილა პირველი.
ძალიან ბევრი ანალოგიური გადაცემა გვინახავს საქართველოს ფარგლებს გარეთ და შესაბამისად, იმის თქმა, რომ ეს ჩემი გამოგონილი იყო და თამუნამ ეს გააგრძელა, ძალიან დიდი აბსურდი იყო ჩემი აზრით, რადგან „პროფილი“ კეთდებოდა იმის გამო, რომ ყოფილიყო გადაცემა და არა იმის გამო, რომ ხალხს დახმარებოდა. ანუ, ეს იყო გადაცემა, რომელშიც ადამიანი იღებდა ხელფასს და სწორედ ამის გამო ეხმარებოდა ხალხს. თუ მას ხალხის დახმარება უნდოდა, შეეძლო გაეგრძელებინა ხელფასის აღების გარეშეც“, – ამბობს თამუნა მუსერიძე.
