საქართველოში ერთ-ერთი უძლიერესი ეზოტერიკოსი გოგა მანია სოციალურ ქსელში საზოგადოებას პერიოდულად საკუთარ წინასწარმეტყველებებს და რჩევებს უზიარებს. მან სულ რაღაც 33 წლის ასაკში მოახერხა, რომ საკუთარი ტრაგიკული ცხოვრება იმ მამოძრავებელ ძალად ექცია, რითაც ადამიანებს წლებია ეხმარება. მას ძირითადად, ჯადო, ენერგეტიკულად დაზიანებული და კონკრეტულ ქმედებებზე დამოკიდებული ადამიანები მიმართავენ, რომლებსაც ამ ყველაფრისგან გათავისუფლება სურთ. ამჯერად მან სოციალურ ქსელში მორიგი ვიდეომიმართვა გაავრცელა და მსოფლიოში მოსალოდნელ მოვლენებზე ისაუბრა. აღნიშნულ წინასწარმეტყველებას მან წლის ყველაზე მძიმე წინასწარმეტყველება უწოდა:
„ვისაუბრე ისრაელის გაქრობაზე და განადგურებაზე. ყველაზე მეტად რაც არ მინდა ასრულდეს ჩემი წინასწარმეტყველებიდან, არის რადიაცია! უძლიერესი აფეთქების შედეგად გამოწვეული რადიაცია იქნება. იმედია არ გამართლდება, სხვა შემთხვევაში ეს ძალიან დიდ ტრაგედიას მოიტანს. ყველაფერი რაც ხდება, ხდება იმიტომ, რომ უნდა მოხდეს! ომის და აფეთქებების წინაშე ნამდვილად დავდგებით. ამ ყველაფრის სათავეში ადამიანია, რომელიც იმიტომ მოვიდა მეორეჯერ, რომ ეს ყველაფერი გამოეწვია. ეს არის ძალიან დიდი თამაში. თავად ცდილობს დაასუსტოს ყველა სხვა ქვეყანა და თვითონ გზა გაიკაფოს. რუსეთი-უკრაინა არ სრულდება, პირიქით. რა არის ეს თუ არა მესამე მსოფლიო ომი. ქვეყნის მასშტაბით სრული კრიზისის წინაშე დავდგებით. ისრაელი-ირანის ომში სხვა ქვეყნები ჩაერთვებიან. ამას ემატება თურქეთი სამწუხაროდ. ამ ყველაფერს დასასრული აუცილებლად ექნება, თუმცა ეს მომავალ 3-4 წელში არ მოხდება. წლის ბოლოსთვის თურქეთში მოსალოდნელია დამანგრეველი მიწისძვრა“, – ამბობს გოგა მანია.
