ზოგადად იაპონელები ნებისმიერ მცირე წვრილმანს დიდ ყურადღებას აქცევენ. შესაძლოა იაპონური ეტიკეტის დაცვა ვიღაცას ძალიან რთულად მოეჩვენოს, თუმცა ასეთი წესები უამრავ პრობლემას ხსნის. ამომავალი მზის ქვეყანაში ყველამ იცის, ვინ როგორ უნდა მოიქცეს კონკრეტულ სიტუაციაში და კონკრეტულ ადგილზე, მათ შორის, ლიფტშიც.
- იმ შემთხვევაში როდესაც ცარიელ ლიფტში შედიხართ, თქვენ, ავტომატურად, ხდებით ლიფტის კაპიტანი და სანამ კაბინას დატოვებთ საკმაოდ მნიშვნელოვანი პასუხისმგებლობა გეკისრებათ.
- ლიფტის კაპიტნობის პერიოდში, თქვენ ვალდებული ხართ, აუცილებლად დადგეთ ღილაკებიან დაფასთან და stop ღილაკით კარი გეჭიროთ მანამ, სანამ ლიფტის მომლოდინე ყველა ადამიანი კაბინაში არ შევა.
- მას შემდეგ რაც ყველა მომლოდინე ლიფტში აღმოჩნდება, აჭერთ ღილაკზე, რომელიც კარს კეტავს. თუ იმ მომენტშიც ვინმემ მოინდომა ლიფტში შემოსვლა, კარი კვლავ უნდა გააღოთ და ახალი მგზავრი კაბინაში შეუშვათ.
- ლიფტით მგზავრობის დროს, ლიფტის კაპიტანი ვალდებულია, ყველა სართულზე, რომელზეც ლიფტი გაჩერდება, კარი stop ღილაკით დაიჭიროს.
- სასურველ სართულზე გაჩერებული ლიფტიდან კაპიტანი მას შემდეგ გადის, რაც ყველა ჩამსვლელი ლიფტს დატოვებს. იქცევა ისე, როგორც ნამდვილ გემის კაპიტანს შეეფერება.
- მას შემდეგ რაც კაპიტანი კაბინიდან გავა, მომდევნო კაპიტანი ხდება ის ადამიანი, ვინც ყველაზე ახლოს დგას ღილაკებიან დაფასთან. ახალი კაპიტნის პირველი მოვალეობაა, კარი დაიჭიროს, სანამ ბოლო კაპიტანი კაბინას დატოვებს.
ამ ყველაფრის გათვალისწინებით, გირჩევთ, რომ იმ შემთხვევაში თუ იაპონიაში მოხვდებით, ეცადეთ, ლიფტში პირველი არ შეხვიდეთ და მითუმეტეს ღილაკებიანი დაფისგან მოშორებით დადგეთ. ჯობია, ლიფტის კაპიტნის შრომას გვერდიდან ადევნოთ თვალი, რადგან იმ შემთხვევაში თუ რამეს არასწორად გააკეთებთ, შესაძლოა „თანამგზავრების“ უკმაყოფილება და კრიტიკა გამოიწვიოთ.
გთხოვთ მოიწონეთ, დააკომენტარეთ და გააზიარეთ პოსტი
