ტელეწამყვანი მაია ასათიანი სოციალურ ქსელში მის გამომწერებთან გულწრფელ დიალოგს აგრძელებს. ერთ-ერთმა ინსტაგრამ გამომწერმა ჰკითხა, დაბრუნდებოდა თუ არა ლეგენდარული გადაცემა “პროფილი”. ასათიანმა ამ კითხვას პირდაპირი პასუხი გასცა: “პროფილი აღარასდროს დაბრუნდება”.
როგორც ცნობილი ტელეჟურნალისტი აღნიშნავს, გადაცემის ფორმატმა თავისი დრო უკვე მოიხადა და თანამედროვე რეალობაში მას მაყურებელი თანდათან ეკარგებოდა.
“ეს არის კითხვა, რომელსაც ყველაზე ხშირად მისვამენ. მინდა გითხრათ, რომ ‘პროფილი’ აღარასდროს დაბრუნდება. დღეს, როცა სოციალური მედია ასეა განვითარებული, მსგავსი ფორმატები თანდათან კარგავენ აქტუალურობას და ადრე თუ გვიან, ასეთი პროექტები სრულდება”, – წერს ასათიანი.
თუმცა მაყურებლები მისი დაბრუნებას ეკრანზე მაინც ელიან. როგორც თავად ამბობს, ძალიან კარგად იცის, როგორი იქნება ახალი გადაცემა:
“უკვე მაქვს ზუსტად წარმოდგენილი, როგორ ფორმატს გავაკეთებ, რა თემებზე გავამახვილებ ყურადღებას… ყველაფერი ვიცით, როგორ დავიწყებ და როგორ დავასრულებ გადაცემას”, – აღნიშნავს ის.
ასათიანის თქმით, მის ტელევიზიურ კარიერას ახალი ფურცელი ელოდება.
