ცნობილი სარესტორნო მომღერალი მეუღლესთან სკანდალური განქორწინების შემდეგ ახალ ცხოვრებას იწყებს. ლოლა წერეთელი შეყვარებულია. მისი რჩეული 55 წლის რობერტაა. ერთმანეთი ისრაელში გაიცნეს, ამის შესახებ მომღერალმა გადაცემა „სიკეთე მარტივიაში“ ისაუბრა.
„მანქანების დიდი კომპანია აქვს – ავტოიმპორტიორია ხშირად უწევს სხვადასხვა ქვეყანაში სიარული. მას ჰყავს ერთი ბიჭი, თუმცა არასდროს მიკითხავს რატომ გაშორდა ცოლს,“- ამბობს ლოლა წერეთელი.
ლოლა ახალი სიყვარულის შესახებ უკვე თამამად საუბრობს და ამბობს, რომ თავისი რჩეულის დედაც გაიცნო, რომელსაც მარგო ჰქვია..
- ლოლა წერეთელმა გადაცემაში, ასევე კარიერის შესახებ ისაურაბ.
სარესტორნო მომღერალი ლოლა წერეთელი უკვე რამდენიმე თვეა მოსკოვშია, სადაც ერთ-ერთ რესტორანში მღერის.
ჟურნალ „თბილისელებთან“ მომღერალმა აღნიშნა, რომ ამ გადაწყვეტილების მიღება ძალიან გაუჭირდა, შეთავაზება, რომ მოსკოვში დასაქმებულიყო, 2000 წლიდან მოყოლებული ჰქონდა, თუმცა უჭირდა საქართველოს დატოვება.
მომღერალი არ მალავს, რომ საქართველოს დატოვების გადაწყვეტილება პირადი ცხოვრების გამო მიიღო. „ძალიან მძიმედ ვიყავი, თუმცა ესეც გავიარე. მერე გადავწყვიტე, რომ ჯობდა რაღაც დროით საქართველოდან წავსულიყავი, რომ ყველაფერი დამევიწყებინა და ძველებურად ხალისიანი გავმხდარიყავი…
აქაურობით ძალიან კმაყოფილი ვარ. არ მეგონა, რომ ყველაფერი ასე კარგად აეწყობოდა, თუმცა მე ჩემს სახლში უნდა დავბრუნდე. მოსკოვში დროებით ჩამოვედი“, – ამბობს ლოლა.
ცნობილი სარესტორნო წყვილის ლოლა და გიორგი წერეთლების ოჯახი ორი წლის წინ დაინგრა. ერთ-ერთ ინტერვიუში ლოლა ამბობდა, რომ გიორგი არის მისთვის ადამიანი, რომელსაც ვერავინ ჩაანაცვლებს.
