სოციალურ ქსელში, “სასოწარკვეთილი მომხმარებლების ჯგუფში” მოქალაქე ინფორმაციას ავრცელებს და წერს:
“მხედრიონის დროის ამბავი არაა, დღევანდელი ამბავია და რასაც წაიკითხავ, გაგაოცებს. შემოვლით გზაზე, ერთ-ერთ ასახვევში ირაკლის (ჩემს მეუღლეს) გაუჩერდა მანქანა.
დღეს მისულებს ოთხივე ბორბალი დისკებიანად მოხსნილი დაგვხვდა, ასევე გაქურდულია სავალი ნაწილები. თითქმის ყველაფერი, რისი მოხსნა-წაღებაც შეიძლებოდა. მანქანა ბლოკებზე შეაყენეს. მიმდებარე ტერიტორიაზე არ აყენია კამერები. თუ ვინმეს რაიმე სახის ინფორმაცია მოგეპოვებათ, ნებისმიერი ინფორმაცია, რაც შესაძლოა არსებულ ამბავს უკავშირდებოდეს, გთხოვთ, მოგვაწოდოთ. ასევე გთხოვთ გაავრცელოთ ეს ინფორმაცია, რადგან ესეც დაგვეხმარება. იმდენად ბევრი რამ არის დახსნილი, რომ ეს არ შეიძლება 10, 20, 30 წუთში მომხდარიყო, საკმაოდ დიდი ხნის განმავლობაში მოუწია ადგილზე ყოფნა, ან რამდენჯერმე მისვლა… თუ შემთხვევით ამის ჩამდენი წაიკითხავ ამ პოსტს, მე არ გისურვებ ცუდს, რადგან ეს არ დამეხმარება, უთავმოყვარეო რომ ხარ, ეს ცხადია, მაგრამ, თუ არ იცოდი, აწი მიხვდები რომ ქურდობა კარგს არ მოგიტანს ცხოვრებაში და როცა იქნება, მაინც გიპოვით და შეიძლება ისე შემეცოდო, რაც დატოვე, გაჩუქოთ კიდეც, გააჩნია რამდენად საწყალი ხარ, ამას რომ ბედავ და კადრულობ,” – წერს მოქალაქე.
