26 წლის ლეისი სპირსი გამუდმებით მიზანმიმართულად წამლავდა თავის ვაჟს იმისათვის, რათა ის ავადმყოფი ყოფილიყო და ქალს ჰქონოდა შესაძლებლობა ამის შესახებ სხვადასხვა სოციალურ ქსელში დაეწერა ხოლმე.
ნიუ-იორკელი ლეისი სპირსი ძალიან ხშირდა წერდა სოციალურ ქსელებში თავისი 5 წლის ვაჟის გარნეტის ავადმყოფობის შესახებ. მან ბლოგიც კი შექმნა სახელწოდებით “გარნეტის მოგზაურობა” (Garnett’s Journey) .
2014 წლის იანვარში გარნეტი ნიუ-იორკის საავადმყოფოში მოათავსეს. ექიმებმა ვერაფრით ვერ დაადგინეს, თუ რა სჭირდა ბავშვს. ბიჭუნას სისხლში დიდი რაოდენობით ნატრიუმი აღმოჩნდა.
რამოდენიმე დღის უშედეგო მკურნალობის შემდეგ ბავშვს აღენიშნა თავის ტვინის ფუნქციონირების შეწყვეტა და ის მალე გარდაიცვალა კიდეც.
ბავშვის საეჭვო და გაურკვეველი მიზეზებით გარდაცვალების გამო აღიძრა სისხლის სამართლის საქმე. გამომძიებელმა, რომელიც იკვლევდა ამ საქმეს, დაადგინა, რომ ლესლი მიზანდასახულად აძლევდა შვილს ნატრიუმის დიდ დოზას. მან ეს რამოდენიმეჯერმე გააკეთა. უკანასკნელ შემთხვევაში მიცემული დოზა ბავშვისათვის საბედისწერო აღმოჩნდა.
ყვცელაზე საშინელი და შოკისმომგვრელია ის ფაქტი, რომ ამას დედა სპეციალურად აკეთებდა. მას უნდოდა ავადმყოფი შვილი ჰყოლოდა, რომ ამის შესახებ ეწერა თავის ბლოგებსა და ექაუნთებზე.
პროკურორები ამტკიცებენ, რომ სპირსს აქვს მიუნჰაუზენის დაავადება, რომლის დროსაც ადამიანი ახდენს ავადმყოფობის სიმულირებას, ხელოვნურად იწვევს დაავადების სინდრომებს, რომ დაექვემდებაროს მკურნალობას, ჰოსპიტალიზაციას, ქირურგიულ ჩარევას.
ამჟამად მიმდინარეობს სასამართლო პროცესი, რომელზეც ლეისი სპირსი თავს დამნაშავედ არ ცნობს. თუ მისი ბრალეულობა დამტკიცდა, ქალს სამუდამო პატიმრობა ემუქრება.
გთხოვთ მოიწონეთ და გააზიარეთ სტატია, ასევე გაგვიზიარეთ თქვენი აზრი კომენტარებში..
