ვიცი, ბევრი დამიწყებს ჭკუის დარიგებას, ჩემს ქმარს საყვარელი თუ ჰყავდა, მასთან როგორ ვჩერდებოდი, მაგრამ სამი შვილით წასასვლელი არსად მქონდა. თან დევი ცუდად არ მექცეოდა.
მისი საყვარლის არსებობის შესახებ ხუთი წლის წინ გავიგე. ყველა იმას ამბობდა, ულამაზესი ქალია და დევი ყურებით დაიჭირაო.
სკანდალი არ ამიტეხია. ლუიზას არსებობას ისე შევეგუე, რომ ქმარი საყვედურებითაც არ შემიწუხებია. თუმცა, როგორ გითხრათ, რომ ბედნიერი ვიყავი ამ ფაქტით.
რამდენიმე თვის წინ ჩემმა თანამშრომელმა შემომჩივლა, ჩემი ძმა ჩამოვიდა ამერიკიდან და ქართველი ცოლის მოყვანა უნდა, ხომ ვერ დამეხმარებიო. არ ვიცი, როგორ მოვიფიქრე, მაგრამ მაშინვე ჩემი ქმრის საყვარლის ნომერი მივეცი.
ულამაზესი ქალია, ოღონდ რთულად შესაბმელი და იქნებ შენს ძმას რამე გამოუვიდეს-მეთქი.
თავი რომ ძალიან აღარ შეგაწყინოთ, ორ თვეში ქალბატონი ლუიზა თანამშრომლის ძმაზე გათხოვდა და მალე ამერიკაში მიდის.
ჩემი ქმარი კი დადის და სახე ჩამოსტირის, მეუბნება, რომ სამსახურში პრობლემები აქვს და შეიძლება გაათავისუფლონ. მეც ვითომ მჯერა და სახლში ნამდვილი საპანაშვიდო განწყობა გვაქვს.
გულში მეცინება და მარტო იმაზე მეშლება ნერვები, ხუთი წელი ღალატისგან რატომ ვიტანჯებოდი..
გთხოვთ მოიწონეთ და გააზიარეთ სტატია.. ასევე გაგვიზიარეთ თქვენი აზრი კომენტარებში..
ყურადღება: ფოტო პირობითია
ჟურნალი “რეიტინგი”
