ალბათ, მეც ბევრი თქვენგანივით დაუჯერებელ ისტორიას ვყვები და მეც ვიცინოდი, როცა სხვების ტკივილს ვკითხულობდი, რადგან ყოველთვის ჟურნალისტების ფანტაზიის ნაყოფი მეგონა.
საგიჟეთში ვცხოვრობ. არ ვიცი, ამას როდემდე გავუძლებ. რვა თვის წინ გავიგე, რომ ჩემს მეუღლეს საყვარელი ჰყავდა.
თავიდან არ მჯეროდა, მერე კი თითქოს ბედს შევეგუე, რადგან ძალიან კარგი მამა იყო. ამ თემაზე აღარც ვსაუბრობდით.
ერთხელ ვიჩხუბეთ და მორჩა. სხვადასხვა ოთახში ვიძინებდით.
სამი თვის წინ ღამის 3 საათზე კარზე ზარი გაისმა, მაგრამ ლოგინიდან არ ავმდგარვარ. მალე ჩემი მეუღლის ყვირილი გავიგე და გიჟივით წამოვ-ვარდი.
კართან 20 წლამდე გოგონა იდგა და ღამის გათენებას ეხვეწებოდა.
მე რომ დამინახა, მუხლებში ჩამივარდა, მითხრა, შენი ქმრისგან შვილს ველოდები, ოჯახში რომ გაიგეს, გამომაგდეს და რამე მიშველეო.
შოკში ჩავვარდი, ჯერ ამ გოგოს უმწეობით და მერე ჩემი ქმრის უტიფრობით, რომელიც საკუთარი შვილის დედას ღამით სახლიდან აგდებდა.
შინ შემოვიყვანე. ამის დანახვაზე ჩემი ქმარი გადაირია და სახლიდან წავიდა.
იმ ღამეს გოგონას ჩაი დავალევინე და ჩემს ოთახში დავაწვინე. საბედისწერო ღამის შემდეგ სამი თვე გავიდა.
მეუღლე სახლიდან სამუდამოდ წავიდა. მეც მიმატოვა და საყვარელიც. ჩვენ კი ვცხოვრობთ დებივით.
ხანდახან მამისგან უჩუმრად დედაც მოაკითხავს ხოლმე. ამ ბოლო დროს ვხვდები, რომ ეს პატარა, უმწეო და უტვინო გოგონა, რომელმაც ოჯახი დამინგრია, საკუთარი შვილივით შემიყვარდა.
გთხოვთ მოიწონეთ და გააზიარეთ სტატია.. ასევე გაგვიზიარეთ თქვენი აზრი კომენტარებში..
წყარო: ჟურნალი ”რეიტინგი”; ყურადღება: ფოტო პირობითია
