საპატრიარქოს უწყებანი სამძიმრის წერილს აქვეყნებს:
„ამა წლის 27 ივნისს გარდაიცვალა თბილისის წმინდა გიორგის სახელობის (კარის) ტაძრის მღვდელმსახური, არქიმანდრიტი ონოფრე (წულაძე).
არქიმანდრიტი ონოფრე დაიკრძალება სამშაბათს, 1 ივლისს მახათას მთაზე მდებარე ივერიის ყოვლადწმინდა ღვთისმშობლის ხატის სახელობის მამათა მონასტრის ეზოში. მწუხარებას გამოვთქვამთ არქიმანდრიტ ონოფრეს გარდაცვალების გამო და თანავუგრძნობთ განსვენებულის ახლობლებსა და სამწყსოს.
უფალმა სავანესა მართალთასა დაამკვიდროს მისი უკვდავი სული.
გთხოვთ, ლოცვებში მოიხსენიოთ ახლად შესვენებული არქიმანდრიტი ონოფრე“.
