სოციალურ ქსელში გავრცელებული ძალადობის მსხვერპლი ქალის ფოტოებმა საზოგადოება შეძრა. ისინი მოძალადის სამაგლითოდ დასჯას მოითხოვენ, მსხვერპლ ქალს კი მხარდაჭერას აღუთქვამენ.
ქალბატონზე ყოფილი ქმარი ძალადობდა, ის ორსულად იყო, როცა მორიგი ფიზიკური დაპირისპირების მსხვერპლი გახდა და სამწუხაროდ, ნაყოფი დედამ ვერ შეინარჩუნა.
ძალადობის მსხვერპლი ქალი ამბობს, რომ მის ცხოვრებაში იყო ჯერ ძალადობა, მერე შიში, მოძალადის მხრიდან ზეწოლა, შანტაჟი, მანიპულაცია და შინაგანი პროტესტი.
ალბათ, სწორედ არშეგუების, პროტესტისა და სამართლიანობის განცდამ აიძულა მსხვერპლი ქალი, ჯერ მოძალადე ქმრისგან გაქცეულიყო და მერე – თავისი უფლებებისთვის ებრძოლა.
მისი ინფორმაციით, პოლიციაში არ დაეხმარნენ, ის შეურაცხყოფისა და დაშინების ობიექტი კიდევ ერთხელ გახდა.
ამჯერად მსხვერპლს არასამთავრობო ორგანიზაცია „საფარი“ ეხმარება. მას ამ ორგანიზაციის ადვოკატი ელისო რუხაძე იცავს, რომლის ძალისხმევით, მსხვერპლს უკვე დაზარალებულის სტატუსი აქვს და აღარ ეშინია.
„პრაიმტაიმი” ესაუბრა ელისო რუხაძეს. ელისო რუხაძე ამბობს, რომ მისი დაცვის ქვეშ მყოფს მდიდარი მოძალადე ქმარი და მისი ადრინდელი ადვოკატი შეუსაბამო, არაეთიკურ და შეურაცხმყოფელ კითხვებს მსხვერპლის მისამართით სვამენ.
თუმცა, რუხაძეს სამართლიანი სასამართლოს გადაწყვეტილების იმედი აქვს…
სანამ ელისო რუხაძის ინტერვიუს გაეცნობით, ნახეთ მსხვერპლის, მ.პ.-ს სულისშემძვრელი მონათხრობი, რომელსაც „საფარი” აქვეყნებს:
„ერთ დღესაც, სახლში რომ მივედი, ჩემმა ქმარმა უცაბედად კარი გადაკეტა, ფანჯრები მიხურა, ტელევიზორს ხმა აუწია და ჩემს ცემას შეუდგა. აზრზეც ვერ მოვედი, ნამდვილი შოკი იყო.
მეუბნებოდა, ხმა არ ამოიღო, უნდა მოგკლა, სახლიდან ცოცხალი ვერ გახვალო. ამას გარდა, ფულს მთხოვდა, 2000 ლარი უნდა გადამიხადოო. ისე მოხდა, რომ სახლიდან გამოქცევა მოვახერხე. გავრბოდი, ის კი უკან მომდევდა.
მეგობრის ოჯახში შევაფარე თავი, შემდეგ საავადმყოფოში გადამიყვანეს, თუმცა არც ამ დროს შემეშვა: ტელეფონზე დამირეკა და იმუქრებოდა, რომ თუ გაბედავ და იტყვი, რომ ეს ყველაფერი მე ჩავიდინე, შენ გაგამწარებ, შენს შვილს კი მოვკლავო.
მამაჩემი ავადმყოფია და მასაც გადასწვდა – მის მოკვლასაც დამპირდა. ამ ზეწოლის ფონზე, სხვა არაფერი დამრჩენოდა, თუ არა ის, რომ პოლიციაში ამ ინციდენტის შესახებ არაფერი მეთქვა. ამის შემდეგ აღმოვაჩინე, რომ ორსულად ვიყავი, თუმცა მისთვის ამას ხელი არ შეუშლია.
სამსახურისთვისაც დამანებებინა თავი, ყველანაირი შეზღუდვა დამიწესა. ნათესავებთან ურთიერთობაც კი ამიკრძალა. საკუთარ შვილთან ურთიერთობასაც კი მიშლიდა, რომელიც პირველი ქორწინებიდან მყავს.
ყველაზე მწვავე კონფლიქტი მაშინ მოხდა, როდესაც მითხრა, შვილთან არ წახვიდე, არაფერი გაუკეთო, საერთოდ არ მიეკაროო. მისი დაჟინებით, 17 წლის შვილთან ურთიერთობა სამუდამოდ უნდა გამეწყვიტა.
მუდმივად იმეორებდა, ფული მაქვს, პოლიციაში მივალ და რასაც მინდა, იმას გავაკეთებ, ვერავინ შემეხება, პასუხს ვერავინ მომთხოვს, სუფთა ვარ, კრიმინალური წარსულიც არ მაქვსო.
გთხოვთ მოიწონეთ და გააზიარეთ სტატია.. ასევე გაგვიზიარეთ თქვენი აზრი კომენტარებში..
წყარო: პრაიმტაიმი. ყურადღება: ფოტო პირობითია
