სოციალურ ქსელში ახალგაზრდა ქალის, მაია მაჭარაშვილის გარდაცვალების შესახებ ვრცელდება ინფორმაცია. წინასწარი ცნობით, მიზეზი სავარაუდოდ, ანევრიზმა გახდა.
ცნობა მისმა მეგობარმა ანანო სამუშიამ გაავრცელა, რომლის სახლშიც გოგონა გარდაიცვალა.
„არ ვიცი, რა მოხდა, სახლში მოვედი და გარდაცვლილი დამხვდა. ჩემთან ცხოვრობდა და უბრალოდ ვერ ვიჯერებ რომ ხვალ გავიღვიძებ და იგივე რეალობა დამხვდება და მაიკო აღარ იქნება აქ. მთელი საღამოა ველოდები რომ მოვა სახლში და მოვუყვები რა სიგიჟე გადაგვხდა თავს.
სასწრაფოს მოსვლამდე გულის მასაჟს ვუკეთებდი და როგორ მჯეროდა რომ ცოცხალი იყო და იმაზე ვფიქრობდი, რამდენჯერ წამოვაძახებდი, ასე რომ მანერვიულა. არ ვიცი ასე როგორ დამთავრდა ყველაფერი“, – წერს ანანო სამუშია.
წყარო: primetime
