ზაზა შენგელია მარიამ შენგელიას ,,ევროვიზიაზე” გამოსვლას ეხმაურება და სოციალურ ქსელში ვრცელ სტატუსს აქვეყენბს.
“იმიტომ არა რომ შენგელიაა და თან გარეგნულად მაგარი ეფექტური გოგოა🙂…ძალიან ბრუტალურად და ემოციურად შეასრულა, კალათბურთელი მაღალ ნახტომში ბურთს კალათში რომ ჩატენის ისე… ბრავო Mariam Shengelia 👏❤️🇬🇪✌️✊🎤
P.S. სულ ამას ვამბობდი და დღესაც ხაზგასმით ვიმეორებ – უვარგისი ხმის მიცემის სისტემის გამო “ევროვიზიის” კონკურსი, ყველაზე ბანძ, უსარგებლო, უავტორიტეტო, დისკრედიტირებულ და უსამართლო სატელევიზიო კონკურსად იქცა და ზუსტად ამის გამოა, რომ ბოლო 40-45 წლის მანძილზე, ევროვიზიის ვერცერთი გამარჯვებული ვერ იკვლევს გზას და ვერ იმკვიდრებს ადგილს მსოფლიოს დიდ მუსიკალურ სცენებზე და სამწუხაროდ, ეს ასე იქნება მანამ, სანამ საერთაშორისო ცნობადობის მქონე მძიმეწონიანი მუსიკალური პროდიუსერებისგან შემდგარი ჟიური არ მიიღებს გადაწყვეტილებებს vs სამეზობლო-პოლიტიკური სიმპატიებით განპირობებული ხალხის კენჭისყრისა და რაც მთავარია, სანამ ეს კონკურსი, რომელიმე მეიჯორი რექორდ ლეიბლის (Sony, Warner, Universal) ეგიდის ქვეშ არ მოექცევა… ძალიან ძალიან დასანანია და სამწუხარო…” – წერს ზაზა შენგელია.
ცნობისთვის, მარიამ შენველია ევროვიზიის ფინალში ვერ გადავიდა.
