CNN-ის ცნობით, უამინდობის გამო, შავ ზღვაში ნავთობით დატვირთული ორი რუსული სატვირთო ერთმანეთს შეეჯახა.
შემთხვევა ყირიმის ნახევარკუნძულთან მოხდა.
სატვირთო ტანკერების შეჯახების შედეგად, ერთი გემი ჩაიძირა.
მედიის ცნობით, დაიღუპა ერთ-ერთი გემის ეკიპაჟის 1 წევრი, 13 ადამიანი კი სამაშველო ვერტმფრენით გადაარჩინეს.
რაც შეეხება მეორე გემს, საგანგებო სიტუაციების მართვის სამინისტროს ინფორმაციით, “ვოლგონეფტი 239-ი”, რომლის ბორტზეც 14 ადამიანი იმყოფებოდა, დაზიანდა და კურსი შეიცვალა.
“ოპერატიული შტაბი მუშაობს. შედეგების აღმოფხვრაში უკვე ჩართულია 50-ზე მეტი სპეციალისტი და 11 ერთეული ტექნიკა. დამატებითი ინფორმაცია ზუსტდება”, – ნათქვამია რუსეთის საგანგებო სიტუაციების მართვის სამინისტროს განცხადებაში.
ამასთან, სამინისტრომ დასძინა, რომ ნავთობის შესაძლო დაღვრის მასშტაბები ფასდება. სოციალურ ქსელში სატვირთო გემების შეჯახების კადრებიც გავრცელდა.
