განქორწინება – რთული ეტაპია ადამიანების ცხოვრებაში. ხშირად ურთიერთობა სკანდალებით, ერთმანეთზე დანთხეული სიბინძურითა და ხელჩართული ბრძოლით მთავრდება.
მაგრამ ინგლისური გამოცემის, The Huffington Post-ის ბლოგერი მაიკლ ჩეშირი სულ სხვაგვარად დაემშვიდობა ცოლს. მისი სიტყვები მართლაც გულშიჩამწვდომია.
“დღეს ჩვენი 20-წლიანი ქორწინება სასამართლოს დარბაზში დასრულდა.
გულწრფელად რომ გითხრა, არ მჯერა. როცა ჩვენ რამდენიმე თვის წინ ამ გადაწყვეტილებამდე მივედით, ჩემთვის სამყარო დაინგრა.
სიმართლე გითხრა, მეშინია, არ ვიცი, როგორი იქნება ჩემი ცხოვრება უშენოდ. შენ ხომ ერთადერთი მუდმივი და საიმედო ადამიანი იყავი ჩემს
ცხოვრებაში. შენ თითქოს ხმა ხარ ჩემს გონებაში.
მე მადლობელი უნდა ვიყო შენი ამ 20 წლისთვის და ამიტომაც დღეს, ჩვენი განშორების პირველ დღეს, მე ამ ყველაფერს ვწერ…
დრო ძალიან სწრაფად გარბის და შეიძლება ვერც მომესწრო ამ ყველაფრის შენთვის თქმა. ამიტომაც ნება მომეცი, ჩემი ემოციები გაგიზიარო.
შენ ჯილდო გეკუთვნის იმ 20 წლისთვის, რომელიც ჩემნაირ ადამიანთან გაატარე.
ორივემ ვიცით, რომ მარტივი არ არის ჩემნაირი კაცის სიყვარული. მე ცოტა მძინავს, ბევრს ვხუმრობ და ხშირად არც ისე კარგად ვიქცევი.
ბევრი გავრისკე. ძალიან გვიან მივხვდი, რომ ბევრი ჩემი ოცნება შენთვის კოშმარი იყო, მაგრამ მაინც, ყოველთვის მზად იყავი, გამომყოლოდი თუნდაც ქვეყნის დასალიერში. და მე ვნანობ, რომ ამდენი ტანჯვა მოგაყენე.
მაგრამ ეს კარგი ქორწინება იყო…
სტატისტიკის მიხედვით, ქორწინების 50% განშორებით მთავრდება, ხოლო 50% – სიკვდილით. ასე რომ, ჩვენ გაგვიმართლა.
შენ შესანიშნავი დედა ხარ!
შენი სიკეთე და სიყვარული, რომელსაც შვილების მიმართ იჩენ, ალბათ, ყველაზე ლამაზია, რაც გაგაჩნია. ვერც კი წარმოგიდგენია, როგორ ვცდილობდი, შენ დაგმსგავსებოდი.
მინდა, რომ ბედნიერი იყო. შენ ხომ იმსახურებ ამას და ბევრად მშვიდ ცხოვრებას, ვიდრე აქამდე გქონდა.
პროტოკოლისთვის… მე ისევ და ისევ მოგიყვანდი ცოლად, თუნდაც ვიცოდე, რომ ისევ განშორებით დამთავრდებოდა ეს ქორწინება. ჩვენ 3 შესანიშნავი შვილი გვყავს, მაგრამ ისინიც რომ არ გვყოლოდა, მე მაინც შენ აგირჩევდი. არ შემიძლია წარმოვიდგინო ჩემი ცხოვრება შენ გარეშე.
ვერაფრით შეძლებ, მაიძულო, გადაგიყვარო.
მართლა ვცდილობდი, დამერწმუნებინა საკუთარი გული, შემძულებოდი, მაგრამ ვერ შევძელი. შენ ზედმეტად კარგი ადამიანი ხარ იმისთვის, რომ ვინმეს სძულდე. ერთადერთი, რაც მაოცებს, ის არის, რომ ჩვენ კვლავ შეგვიძლია მეგობრობა.
ეს ის ადგილია, საიდანაც ჩვენ ყველაფერი დავიწყეთ და ამიტომაც ბედნიერი ვარ, რომ ამ ადგილასვე ვშორდებით. მე მომწონს, რომ კვლავ შეგვიძლია ვისაუბროთ შვილებზე, ცხოვრებაზე, სამომავლო გეგმებზე, ფილმებზე, მუსიკაზე. ეს ხომ ძალიან მაგარია.
მე ყოველთვის შენ გვერდით ვიქნები.
სულელი არ ვარ. ვიცი, რომ ისეთი ქალი, როგორიც შენ ხარ, მარტო არ იქნება, შენი შეყვარება ხომ ისეთი მარტივია. და მე მინდა, იცოდე, პატივისცემით და გაგებით შევხვდები შენს ნებისმიერ არჩევანს.
დაბოლოს, მინდა გითხრა: “თუ დაიკარგე – მოიხედე და დამინახავ. თუ წაბორძიკდი – მე დაგახვედრებ ხელს. და იცოდე… ყოველთვის დაგელოდები”.
მთელი გულით, მაიკლი.
განშორება ლამაზადაც შეიძლება. მთავარია – არ გაუშვათ ხელიდან შესაძლებლობა, უთხრათ ადამიანს დამშვიდობებისას თბილი სიტყვები და გადაუხადოთ მადლობა ყველაფერი იმ კარგისთვის, რაც მასთან გქონიათ…
გთხოვთ მოიწონეთ და გააზიარეთ სტატია.. ასევე გაგვიზიარეთ თქვენი აზრი კომენტარებში..
ყურადღება: ფოტო პირობითია. მომზადებულია მარაო.გე-ზე გამოქვეყნებული წერილის მიხედვით..
