„ყველაფერს აქვს საზღვარი!“ – აჟიოტაჟი დიანა ტრაპაიძის გარშემო: რას პასუხობს ინგა გრიგოლია კრიტიკოსებს?

TV პირველის” წამყვანმა, დიანა ტრაპაიძემ სოციალურ ქსელში საზოგადოებრივი მაუწყებლის წამყვანს, თამთა სანიკიძეს დაბადების დღე მიულოცა, რასაც საზოგადოების ნაწილის კრიტიკა მოჰყვა, მათ შორის კრიტიკული პოსტი გამოაქვეყნა უფლებადამცველმა ბაია პატარაიამაც:

“მეგობრობს ხალხი, ერთმანეთი ესაყვარლებათ და ეძვირფასებათ. მერე რა რომ ვიღაც პროპ****ონია? მერე რა რომ ვიღაც მოღალატეა? მერე რა რომ დიქტატურაში ვცხოვრობთ? ტფილისი ხომ ურთიერთობაა… ნე გავარიიი… ვჩპ!”

დიანა ტრაპაიძის კრიტიკოსებს სოციალურ ქსელში “TV პირველის” წამყვანმა, ინგა გრიგოლიამ უპასუხა:

“ყველაფერს აქვს საზღვარი. ვექტორი გაასწორეთ და რეჟიმზე მიმართეთ თქვენი რისხვა, თუ შეიძლება რა.

დაბადების დღეების მილოცვა მათთვის, ვისთანაც წლების მეგობრობა გაკავშირებს, არის ადამიანობა და არავის საქმე არაა, ვის მიულოცავს ნებისმიერი ჩვენგანი.

ჩემთვის მაგალითად, როცა დაბადების დღე არ მომილოცეს მათ, ვისთან ერთადაც მთელი ცხოვრება გავიარე და დღეს სხვა პოზიციაზე დგომის გამო დამიკიდეს, ისეთი გულსატკენი ამბავი აღმოჩნდა, დიდი ხანი რომ გამყვება..

ხოდა, საქმეს მივხედოთ ყველამ. დიანა ტრაპაიძე მიყვარხარ, სწორედ იმიტომ, რომ ასეთი ხარ, როგორიც ხარ და ადამიანი ხარ პირველ რიგში.

კომენტარებს ნუ დამიწერთ ჩემი მეგობრის სალანძღავად, წაგშლით. ბრძოლას ვერავინ გვასწავლის, არავინ ვიბრძვით არავისზე ნაკლებად, რეჟიმის წინააღმდეგ და მორალის კითხვას შეეშვით!

და კიდევ- ბაბლის წესებს არ ვექვემდებარებით, ზოგისთვის რომ ყველაფერი მოსულა, სულ რომ @….. დაწეროს და ჩაიდინოს და არ იმჩნევთ, იმიტომ რომ ბაბლის წევრია და სხვებს ადამიანურ ემოციებს არ პატიობთ და ქოლავთ. საქმეს მიხედეთ რა!”