ხანშიშესული მამაკაცი ახალგაზრდა ბიჭთან ერთად ვაგონში ავიდა. ბიჭი დაახლოებით 20 წლამდე იქნებოდა. ის ფანჯარასთან დაჯდა, უცნაურად ცმუკავდა და გარშემო ყველაფერს უდიდესი ინტერესით აკვირდებოდა.
მატარებლის დაძვრისთანავე ბიჭმა ხელი ფანჯარაში გაყო და მამას ხმამაღლა დაუძახა:
-შეხედე მამა ხეები უკან მიდიან.
მამა შვილს შეხედა, გაუღიმა და ხელი მხარზე მოხვიდა.
გარშემომყოფები, განსაკუთრებით კი მათ წინ მჯდომი ცოლ-ქმარი გაოცებული უყურებდნენ ბავშვს და მის ქცევას. ცოტა ხნის შემდეგ ბიჭმა ისევ ხმამაღლა დაიყვირა:
-მამა ეს ხო ტბა არის? ესენი კი ფრინველები და ღრუბლები, რომლებიც მატარებელს მოსდევენ.
მატარებელში მყოფნი და განსაკუთრებით ხანშიშესული ცოლ-ქმარი ბავშვის უცნაური საქციელების გამო უფრო და უფრო იძაბებოდნენ. განსაკუთრებით უკვირდათ მამის რეაქცია, რომელიც შვილის საქციელზე უბრალოდ იღიმოდა.
ცოტა ხანში გაწვიმდა და ბიჭს, რომელსაც ხელი ფანჯარაში ქონდა გაყოფილი ხელი უსველდებოდა, რაზეც წამოიძახა: – მამა ნახე წვიმა მეხება.
ამის შემდეგ უკვე ცოლ-ქმარი საბოლოოდ დარწმუნდა, რომ ბავშვს გარკვეული პრობლემები ჰქონდა, მშობელი კი ამას ან ვერ არჩევდამ ან არჩევდა და ამ ფაქტს ყურადღებას საერთოდ არ აქცევდა. ამიტომ მას მიმართეს:
-კი მაგრამ, რატომ არ მიგყავთ შვილი ექიმთან კონსულტაციაზე? მას ეს აშკარად ესაჭიროება.
მამამ ცოლ-ქმრის შეკითხვაზე გაიღიმა და უპასუხა:
-ჩვენ კლინიკიდან დღეს წამოვედით. ჩემს ვაჟს მხედველობა დღეს დაუბრუნდა და ის სამყაროს პირველად ხედავს.
ამიტომ დაიმახსოვრეთ, მანამ სანამ ადამიანს საკუთარი საქციელისთვის განვსჯით, გავიაზროთ, რომ ჩვენ მათ შესახებ შესაძლოა არაფერი ვიცოდეთ.
გთხოვთ მოიწონეთ, გააზიარეთ და დააკომენტარეთ სტატია..
