მეტეოროლოგი კობა ფარტენაძე სოციალურ ქსელში უახლოესი დღეების ამინდის პროგნოზს აქვეყნებს.
„30 სექტემბრიდან 2 ოქტომბრამდე საქართველოში ძირითადად მოღრუბლული ამინდი და პერიოდულად ხანმოკლე წვიმაა მოსალოდნელი. ჰაერი ისევ თბილი იქნება, თითქოს გაზაფხულია, მაგრამ სითბოში შემოპარული ნესტის სუნი მაინც გვაგრძნობინებს რომ შემოდგომაა… 3 ოქტომბრიდან – ისევ მზიანი დღეებია მოსალოდნელი, დასავლეთშიც და აღმოსავლეთშიც. მოსალოდნელი სამდღიანი გაავდრებისას არ დაგვავიწყდეს, ამინდი ყოველთვის იმაზე მეტს ლაპარაკობს, ვიდრე ჩვენ გვგონია. წვიმის მოსვლა, მარტო ცის გადაწყვეტილება არ არის – ამას მიწაც გრძნობს, ჰაერიც და ადამიანიც… და რაც მთავარია – ფრთხილად იყავით საკუთარ განწყობასთან, ზოგჯერ წვიმა ციდან მოდის, ზოგჯერ კი გულიდან…“, – წერს ფარტენაძე.
