თამუნა მუსერიძემ ინსტაგრამის გამომწერთა კითხვებს უპასუხა.
მოგვიყევით, რა სახის დიალოგი გქონდათ დედასთან? – ჰკითხეს მას.
ამაზე, თამუნა მუსერიძემ უპასუხა:
,,დიდი ხანი ვისაუბრეთ, დაახლოებით ორსაათნახევარი. ვთხოვე ეთქვა, რა დაარქვა ბავშვს. მითხრა, სახელი არ დამირქმევია, არ მიფიქრიაო… ყველაზე მეტად ეს მეწყინა – საერთოდ არ ფიქრობდა ადამიანი იმაზე, რას დაარქმევდა შვილს.
მან მითხრა, თუ საჯაროდ არ იტყვი, რომ ხარ მოპარული ბავშვი, ჩვენს შორის ყველაფერი დამთავრდებაო. საჯაროდ უნდა თქვა, რომ სამშობიაროდან მოგიპარესო. მე ვუთხარი, რომ ამხელა ტყუილს ვერ ვიტყოდი, რადგან თუ ეს გასკდებოდა, ათასობით დედას, რომელსაც შვილი მოჰპარეს, არ დაუჯერებდნენ.
მე საკუთარი ერთი ადგილის მოსაწმენდად ათასობით დედას ვერ გავწირავთქო. აბა, მე უნდა გამწიროო?”, – ამბობს თამუნა მუსერიძე.
