ჩემპიონთა ლიგის ნახევარფინალის პირველ დაპირისპირებაში “პსჟ”-მ სტუმრად “არსენალი” დაამარცხა (0:1). მატჩის ერთადერთი გოლი მე-4 წუთზე დემბელემ, კვარაცხელიას პასით გაიტანა. ეს დიდი ნაბიჯია ფინალისკენ და ამ ნაბიჯის მთავარი აქტორი ქართველი ფეხბურთელია. ემირეიტ სტეიდიუმზე მყოფი dailymail-ის ჟურნალისტი, კრეიგ ჰოუპი აღფრთოვანებას ვერ მალავდა ხვიჩას თამაშით და სტატიაც მიუძღვნა, რომელიც ისეთივე მხატვრულია, როგორც ქართველის სიყვარული ფეხბურთისადმი.
ხვიჩა კვარაცხელიამ, ჩემპიონთა ლიგის ნახევარფინალში, არსენალი ნამსხვრევებად აქცია… ჩვენ არასდროს გვინახავს ისეთი მოთამაშე, როგორიც ქართველი გენიოსია.
24 წლის ფეხბურთელში არის რაღაც ჯეკ გრილიშის. გეტრები ჩამოშვებული და მბზინავი წვივები, თუმცა შედარებები აქ მთავრდება.
როდესაც კვარაცხელიამ მეოთხე წუთზე ბურთი მარცხენა ფლანგზე მიიღო, მან ის არ გააჩერა, ის შეიჭრა იქით, საიდან საფრთხე იქმნება, ის არ დადის, ის მუდამ გარბის.
კვარა უბრალოდ ბურთის შენარჩუნებას კი არ ცდდილობს, არამედ რისკზე მიდის. ჯილდოდ უსმან დემბელეს გოლი დაიმსახურეს.
ცხელი კარაქი დანით უფრო მარტივად იჭრება. ეს ჭრილობა არსენალს კვარაცხელიამ მიაყენა, რამაც პსჟ-თვის თამაში გაამარტივა.
მასპინძლებს სისხლდენის შესაჩერებლად გზა უნდა ეპოვათ. ერთი მცველი ორად იქცა და კვარაცხელიამ მაინც მოიპოვა კუთხური. შემდეგ ორი სამად იქცა – იურიენ ტიმბერი, უილიამ სალიბა და ბუკაიო საკა – და მაინც, ტიმბერის სასოწარკვეთილი დაქაჩვის შემდეგ, მსაჯს პენალტის დანიშვნა შეეძლო.
შემდეგ ტიმბერმა გადაწყვიტა კვარაცხელიასთვის დარტყმა დაეწყო – მცველს თამაში არ უხაროდა.
მეორე ტაიმში კვარაცხელიამ ხმალი ფარზე გაცვალა. ამბობენ, რომ ის ძველი ფლანგის მოთამაშეების ტრაგიკული გადმონაშთია. თუმცა ეს უსამართლობაა, რადგან ჯორჯ ბესტი და კრის უოდლი საკას ასე ნამდვილად არ დაედევნებოდნენ, სტილმა ადგილი შინაარს დაუთმო და ამით პსჟ-მ შეინარჩუნა უპირატესობა, რომელიც, სავარაუდოდ, გადამწყვეტი აღმოჩნდება მიუნხენის ფინალში გასასვლელად.
კვარაცხელია თამაშის საუკეთესო ფლანგელი იყო, მაგრამ ის ასევე თამაშის საუკეთესო მოთამაშე იყო იმის გამო, რასაც საკუთარ ნახევარზე აკეთებდა – ბლოკები, დაკვირვება, სივრცის შეზღუდვა და ამას ტიმბერზე უკეთ აკეთებდა.
დაივიწყეთ ძველმოდური სტილი, ჩვენ აქამდე არასდროს გვინახავს მისი მსგავსი ფეხბურთელი.
– წერს dailymail-ის ჟურნალისტი კრეიგ ჰოუპი.
