Postv-ის დამფუძნებელ შალვა რამიშვილს საკუთარი შვილი, ლაშა რამიშვილი მიმართავს.
სოციალურ ქსელში გამოქვეყნებულ პოსტს უცვლელად გთავაზობთ:
„პათეტიკური პროპაგანდისთვის ჩვენი გამოყენებაა სიყვარული? არ არსებობს შენში სიყვარული, ეს სიტყვაც კი ბინძურდება შენი პირიდან თქმული. სიყვარული ჩემს ოჯახშია, ჩემს ახლობლებში, იმ ხალხში ვინც გარეთ იბრძვის დღეს. თქვენი სისტემით გაღატაკებული და სულ ამოხდილი ხალხი, უღირსი ხელფასებით რომ უწევთ ოჯახის რჩენა. ძარცვით და ყაჩაღობით რომ ხართ გამდიდრებულები, ამიტომ არ არსებობს აქ მხარე, აპათიის წინააღმდეგ ყოფნა ყოველთვის იქნება სწორი. ჩემს ოჯახს გაჭირვებაც უგრძვნია და მშივრებსაც დაგვიძინია, მაგრამ არცერთი წამით არ გვინანია სიმართლის თქმა. ტანჯულია ხალხი და ბოროტება სუფევს ქვეყანაში, მე კი ჩემს პრინციპეპზე დგომა სიკვდილადაც მიღირს.
ცნობისთვის, შალვა რამიშვილმა საკუთარი გადაცემის ეთერში თავის შვილებზე ისაუბრა.
„მე ჩემი შვილები დავკარგე ამის გამო. მე არ მაქვს მათთან ურთიერთობა. ეს არის ბულინგის შედეგი. მე, ჩემს შვილებზე მეტად არავინ არ მიყვარს. ჩემთვის ეს ყოველ დღე, არის ძალიან მძიმე გადასატანი“, – თქვა რამიშვილმა.
