საერთაშორისო კოსმოსურ სადგურზე (ISS) მყოფ ასტრონავტებს, ბუჩ უილმორს და სუნი უილიამსს, დედამიწაზე დაბრუნებისთვის კიდევ უფრო მეტ ხანს მოუწევთ ლოდინი. ამის შესახებ ინფორმაციას NASA ავრცელებს.
ასტრონავტები კოსმოსში ივნისში გაფრინდნენ და დედამიწაზე ერთ კვირაში უნდა დაბრუნებულიყვნენ, თუმცა ტექნიკური პრობლემების გამო, მათი მისია გახანგრძლივდა.
თავიდან, მათი დაბრუნების თარიღად 2025 წლის თებერვალი დასახელდა, თუმცა, კაფსულის გაშვების გადავადების გამო, მათი დაბრუნება 2025 წლის მარტის ბოლოს ან აპრილის დასაწყისისთვის გადაიდო.
როგორც NASA-ში აცხადებენ, ჩამოსვლის გადავადება ასტრონავტებს დამატებით რისკებს არ შეუქმნის, რადგან ნოემბერში, საერთაშორისო კოსმოსურ სადგურზე მარაგით დატვირთული ორი კოსმოსური ხომალდი ჩავიდა, რომელშიხ საკვების, წყლის, ტანსაცმლისა და ჟანგბადის საკმარისი რაოდენობა იყო.
,,მარაგში ასევე შედიოდა სპეციალური ნივთები იმისთვის, რომ ეკიპაჟის წევრებს დღესასწაულები აღენიშნათ,“ – ნათქვამია NASA-ს განცხადებაში.
