,,ბაღში მიყვანისთანავე აუწია ტემპერატურამ” – რა ახალი დეტალები ხდება ცნობილი ახალციხეში დატრიალებულ ტრაგედიაზე?

ახალციხის კერძო ბაგა–ბაღში 2 წლის ბავშვი გარდაიცვალა.

არსებული ცნობით, ბავშვს ეძინა და როცა აღმზრდელი გასაღვიძებლად შევიდა, უგონო მდგომარეობაში დახვდა.

სასწრაფო დახმარების ჯგუფმა ბიჭი კლინიკაში გადაიყვანა, თუმცა, მისი გადარჩენა ვერ მოხერხდა.

სოციალურ ქსელში ახლახან გავრცელდა ინფორმაცია, რომლის მიხედვითაც, როდესაც ბავშვი ბაღში დატოვეს, მას სიცხემ აუწია და ამის შესახებ ოჯახს აღსაზრდელებმა მალევე შეატყობინეს.

ცხედარს უკვე ჩაუტარდა სამედიცინო ექსპერტიზა.

ერთ-ერთ ვერსიაზე, რომ შესაძლოა, ბავშვს რამე საგანი ან საკვები გადასცდა, ექსპერტი ამბობს, რომ პირველადი დათვალიერებით, სასუნთქ გზებში უცხო ნივთი არ აღმოჩნდა.

მისივე თქმით, გარდაცვალების მიზეზი დაახლოებით ერთ თვეში გახდება ცნობილი.

როგორც შსს-ში აცხადებენ, გამოძიება სისხლის სამართლის კოდექსის 116-ე მუხლით დაიწყო, რაც გაუფრთხილებლობით სიცოცხლის მოსპობას გულისხმობს.

წყარო: „პრაიმტაიმი”