დღეს სოციალურ ქსელში სამწუხარო ინფორმაცია გავრცელდა.
„ფეისბუკში“ არაერთმა ქართველმა ემიგრანტმა გაავრცელა სამძიმრის წერილი იტალიის საპორტო ქალაქ ბარიში მცხოვრები ქართველი ემიგრანტის, ნინო ბოლაშვილის გარდაცვალების გამო.
მათ შორისაა კატერინა კილაძეც, რომელიც გარდაცვლილი ახალგაზრდა ქალის დედას, ხათო ბოლაშვილს მიმართავს და თანაგრძნობას უცხადებს მის ოჯახში დატრიალებული ტრაგედიის გამო.
„საუკეთესოს დედის შვილი რომ იყო და სულ მზად იყო მოყვასის დასახმარებლად ძალიან მიყვარდა.
ამიტომ ემიგრაციაში რამდენჯერ, რამდენს, როგორი დიდი გულით და სიყვარულით დახმარებია ჩემსას, სულ მეიმედებოდა ხათო ბოლაშვილი, თავისი მაგარი შვილებით, უსაყვარლესი ოჯახი, თან რა ლამაზი ნინია ჰყოლია, გაშეშებული ვწერ პოსტს, არ მინდა დაგიჯერო შვილო, უფალმა ჩაგიხუტოს, დედა ღვთისმშობელმა შეგიფაროს, მიყვარხარ ნინიკო! თანავუგრძნობ არა მარტო ოჯახს, სრულიად საემიგრაციოს, ყველას უდიდესი ტკივილია ეს ანგელოზი!“ – წერს კატერინა კილაძე.
