„6 ივნისს თურქულენოვან ვიდეომიმართვაში ვთქვი, რომ ნიჰალ ჯანდანი გარდაიცვლებოდა. 21-ში ახდა, სამწუხაროა ასეთი ახალგაზრდა ადამიანის გარდაცვალება“,- უთხრა დაიჯესტს გოგა მანიამ.
მისი გარდაცვალების მიზეზად ანორექსია ნერვოზა დასახელდა – სერიოზული ფსიქიკური და ფიზიკური ჯანმრთელობის მდგომარეობა, რომელიც ხშირად გამოწვეულია ძლიერი ზეწოლით სხეულის „იდეალურ“ სტანდარტებთან მისადაგების სურვილით. ნიჰალი წარსულში არაერთ პოპულარულ თურქულ შოუებში, როგორიცაა Bu Tarz Benim და Survivor, და ბოლო წლები აქტიურად იყო ჩართული სოციალურ მედიაში. ამავე დროს, 2023 წელს იგი და მისი და, ბაჰარ ჯანდანი დააკავეს თაღლითობასა და ფულის გათეთრების ბრალდებით. პატიმრობაში ნიჰალის ჯანმრთელობის მდგომარეობა საგრძნობლად გაუარესდა, რის გამოც საბოლოოდ სასამართლომ ის გამოუშვა სამედიცინო მოსაზრებით. მისი წონა ჩამოცილდა კრიტიკულ ზღვარს – დაახლოებით 23 კილოგრამამდე. მისმა გარდაცვალებამ თურქულ მედიაში დიდი გამოხმაურება გამოიწვია. საზოგადოებაში გაღვივდა დისკუსია სხეულის აღქმის პრობლემებზე, ფსიქიკური ჯანმრთელობის მხარდაჭერის ნაკლებობაზე და იმ მავნე ზეგავლენებზე, რასაც სოციალური მედიით გადაჭარბებული იდეალების ქადაგება ახდენს ახალგაზრდებზე – განსაკუთრებით ქალებზე. ნიჰალ ჯანდანის ტრაგედია ბევრისთვის გახდა სიმბოლო იმ ჩუმი ბრძოლების, რაც ხშირად საზოგადოებრივად მიუღებელი სტანდარტებისა და სტიგმების ფონზე მიმდინარეობს.
