რუსეთში მოღვაწე მუსიკალური ჯგუფ „ა სტუდიოს“ ქართველი სოლისტი ქეთა თოფურია, რომელიც უკვე მრავალი წელია საქართველოში არ ცხოვრობს, კვლავ რჩება საზოგადოების ინტერესის ცენტრში. მომღერლის კარიერა და პირადი ცხოვრება ყოველთვის იწვევს გამოხმაურებას როგორც ქართულ, ისე რუსულ აუდიტორიაში.
ამჯერად ქეთა თოფურია ყურადღების ცენტრში სოციალურ ქსელში გავრცელებული ვიდეოს გამო მოექცა. ცნობილი „ტიკტოკერი“ ქეთი ეგიდუნაშვილი ერთ-ერთ ვიდეოში ამბობს:
“ქეთა თოფურია უმაღლესი მომღერალი, გუშინ დამირეკა და მელაპარაკა, ქეთი ჩამობრძანდი მოსკოვში და ყველანაირად გვერდში დაგიდგებიო. შენც და უჩასაცო და აქ გააგრძელეთ თქვენი კარიერაო. ფეხზე გვიდგას მთელი მსოფლიო.”
ვიდეომ, როგორც ჩანს, ქეთა თოფურიაც გაამხიარულა. მან ინსტაგრამის “სთორიში” იგივე ვიდეო გამოაქვეყნა და მოკლედ უპასუხა: “ფეხზე ვდგავართ, გელოდებით…”
კადრებიდან ჩანს, რომ ქეთას ვიდეო მართლაც დიდად მოეწონა და მას ღიმილით შეხვდა. ამ მორიგმა სოციალურმა ინტერაქციამ კიდევ ერთხელ გააჩინა საზოგადოებაში განხილვები ქეთა თოფურიას და მისი აქტივობების ირგვლივ.
