როგორც მოგეხსენებათ, ხვიჩა კვარაცხელიას დებიუტი ჩემპიონთა ლიგაზე 2022 წელს ჰქონდა.
მაშინ, ნაპოლი ჩემპიონთა ლიგას მეოთხედფინალიდან გამოეთიშა, შემდეგ სეზონზე კი, ტურნირზე ვერ იასპარეზა.
მართალია კვარას ახალი გუნდი, პარი სენ-ჟერმენი ჩემპიონთა ლიგაზე ყოველწლიურად ასპარეზობს, თუმცა, რეგლამენტის მიხედვით, ის ფეხბურთელი, რომელიც განაცხადში თავიდანვე არ ყოფილა, ტურის მიმდინარე თამაშებში მონაწილეობას ვერ მიიღებდა.
იმისთვის, რომ 23 წლის ქართველი ჩემპიონთა ლიგაზე დაბრუნდეს, პსჟ პლეი-ოფში უნდა გავიდეს, რის შემდეგაც, განაცხადში კვარას შეყვანაც შეეძლება.
დღეს, შტუდგარდთან შეხვედრაში, პარი სენ-ჟერმენს ფრეც აწყობდა 1/16 ფინალში გასასვლელად, თუმცა, მატჩის 58-ე წუთზე პარიზული კლუბი უკვე 4:0-ს იგებს, რაც იმის მანიშნებელია, რომ ხვიჩა კვარაცხელიას თითქმის 100-პროცენტიანი გარანტიით, გულშემატკივრები წელსვე იხილავენ ამ ტურნირზე.
