14 ოქტომბერს, გურჯაანის მუნიციპალიტეტში მომხდარი ავტოსაგზაო შემთხვევის დროს გარდაცვლილი ელენე მეგრელიშვილის დედა, ნინო ერემაშვილი, 26 ოქტომბრის საპარლამენტო არჩევნებთან დაკავშირებით სოციალურ ქსელში სტატუსს აქვეყნებს.
„მე ხვალ ჩემი ბრდღვიალასთვის წავალ არჩევნებზე, ჩემი ენენეს მიზნებისთვის!!! ჩემი კოტიკოს და მათი მეგობრების მომავლისთვის!!! ახლა სახლში დარჩენა ჩვენი შვილების ღალატია!! ელენიკო, გპირდები, ყველგან იამაყებ შენი დედიკოთი“, – წერს ნინო ერემაშვილი სოციალურ ქსელში.
შეგახსენებთ, ავტოსაგზაო შემთხვევა გურჯაანის მუნიციპალიტეტის სოფელ ვაჩნაძიანში მოხდა. არსებული ინფორმაციით, ერთმანეთს საპირისპირო მიმართულებით მოძრავი ორი ავტომობილი შეეჯახა, რა დროსაც ადგილზე გარდაიცვალა ელენე მეგრელიშვილი.
