საქართველოს ეროვნული საფეხბურთო ნაკრების წევრის, გიორგი გოჩოლეიშვილის დედა, ხათუნა კვერნაძე იხსენებს ყველაზე დიდ ტრაგედიას, რომელიც მის ვაჟს ცხოვრებაში გადახდა და ის გიორგი შაქარაშვილს უკავშირდება:
“რთული პერიოდის გახსენება მიმძიმს, ეს ამბავი მეც ჩემს შვილთან ერთად განვიცადე. გიორგი შაქარაშვილი და ჩემი შვილი მეგობრები იყვნენ, ერთად თამაშობდნენ. ამ ბიჭის გარდაცვალება გიორგისთვის უდიდესი ტკივილი იყო. კადრებიც არსებობს, ერთ-ერთ თამაშზე ჩემმა შვილმა გოლი რომ გაიტანა, ჯიბიდან შავი ლენტი ამოიღო და ზეცას შეხედა, ეს გოლი გიორგი შაქარაშვილის ხსოვნას მიუძღვნა.
განიცადა ეს ამბავი. ძალიან ცუდად იყო. მთელმა გუნდმა უდიდესი ტრავმა მიიღო. შაქარაშვილს მეც ვიცნობდი. წარმატებული მომავალი ექნებოდა, ახლაც მეტირება, მასზე რომ ვლაპარაკობ…”
