ლელა კაკულია: ამერიკისა და რუსეთის მორიგებას სამყარო ნუ ელოდება!
როგორც წესი, ქალბატონ ლელას ის ვითარება, რომელიც ახლახან შეიქმნა მსოფლიოში, წლების წინ აქვს აღწერილი და პასუხიც აქვს გაცემული იმ კითხვებზე, რომლებიც ამ სიტუაციასთან დაკავშირებით ჩნდება.
ლელა კაკულია: ამერიკისა და რუსეთის მორიგებას სამყარო ნუ ელოდება!
✅️როგორც წესი, ქალბატონ ლელას ის ვითარება, რომელიც ახლახან შეიქმნა მსოფლიოში, წლების წინ აქვს აღწერილი და პასუხიც აქვს გაცემული იმ კითხვებზე, რომლებიც ამ სიტუაციასთან დაკავშირებით ჩნდება.
ვგულისხმობთ აშშ-ისა და რუსეთის პრეზიდენტების, ერთი შეხედვით, დამთბარ ურთიერთობებს და ევროპის თითქოს თამაშგარედ დატოვებას.
ქვემოთ მხოლოდ ორიოდე ჩანაწერს შეგახსენებთ ამ თემაზე და აქვე იმასაც გეტყვით, რომ ეს წინასწარმეტყველებები შესულია ქალბატონი ლელას წიგნში „ახალი სიტყვა“ და ასევე ატვირთული იყო ფეისბუქის ძველ აკაუნტზეც (არა მხოლოდ ეს, არამედ წინასწარმეტყველებების სრული ვერსია), რომელიც მავანთა ძალისხმევით დაგვიბლოკეს სამიოდე წლის წინ და ამიტომაც დაგვჭირდა ამ ახალი გვერდის შექმნა…
✅️2016 წელი, 20 დეკემბერი
ტრამპსა და პუტინს ერთმანეთი ძალიან სძულთ. მათი მორიგება დროებითია. ისინი რკინის ფარდას უფრო აღმართავენ, ვიდრე მორიგდებიან.
ისე, ეს ორი პრეზიდენტი ძალიან ჰგავს ერთმანეთს — განსაკუთრებით, ხასიათებით. ისინი ერთმანეთს არაფერს დაუთმობენ.
✅️2017 წელი, 30 იანვარი
რუსეთის პრეზიდენტს, რაღა თქმა უნდა, ნათელი აზრები არ აქვს ამერიკის მიმართ. ის სარგებლობს ტრამპის „უცოდინრობით“ — ასე ამბობს თავად — აქვს ფარული გეგმები, რითაც ტრამპს მართლა გააცოფებს მომავალში და ერთმანეთს მაგრად დაუპირისპირდებიან. ასე რომ, ამერიკისა და რუსეთის მორიგებას სამყარო ნუ ელოდება!
✅️2017 წელი, 11 მარტი
იცვლებიან პრეზიდენტები და სახელმწიფოების სათავეებში მოდიან ისეთი მმართველები, რომლებიც რუსეთის პრეზიდენტის მიმართ ხისტ პოლიტიკას გაატარებენ. არადა, ვხედავ, რუსეთის პრეზიდენტს რატომღაც ჰგონია, რომ აუცილებლად ისეთი მმართველები მოვლენ, რომლებიც მასთან ძალიან დადებით ურთიერთობებს დაამყარებენ. ასე ეგონა ამერიკის პრეზიდენტზეც, მაგრამ…
რაც შეეხება ევროპასთან ურთიერთობას, ტრამპს აქვს სამოქმედო გეგმა, რომელიც მისი აზრით, მხოლოდ ამერიკას კი არა, ევროპასაც გადაარჩენს, მაგრამ ტრამპის ხუშტურები, ასე ვთქვათ, მის კაბინეტს არ გასცდება. ის საბოლოოდ ყველას დაიპირისპირებს.
ვხედავ, ევროპაში მოდიან ნაციონალები, რომლებიც პუტინსაც ძალიან ააფორიაქებენ და არც ტრამპს დაუთმობენ არაფერს. უბრალოდ, აშშ-ის პრეზიდენტის გადაწყვეტილებებმა და პოლიტიკურმა ცვლილებებმა შოკში ჩააგდო ევროპა, რომელიც მალე გამოვა შოკიდან და პირიქით შეუბრუნებს ტრამპს ყველაფერს.
✅️2018 წელი, 30 ნოემბერი
ვხედავ, პუტინისა და ტრამპის მორიგება არ არსებობს. სანქციებს რუსეთს არც ამერიკა და არც ევროპა არ მოუხსნიან, პირიქით. რუსეთი ხერხემალშია გადატეხილი. მისი გადარჩენისთვის საჭიროა ახალი ხალხი, ახალი მთავრობა ქვეყნის სათავეში. კრემლის მაფიოზური რგოლი უნდა დაირღვეს. რუსეთი დიდი იმპერიაა, მაგრამ დაშლა ემუქრება. ფრთხილად!!!
✅️2020 წელი, 1 ივლისი
ვხედავ, მსოფლიო პოლიტიკაში დიდი ცვლილებები დაიწყება. და ამ ცვლილებების მოთავე ამერიკის პრეზიდენტი ტრამპია. მე წარსულშიც ვიწინასწარმეტყველე და გავიმეორებ ახლაც: ტრამპი ახორციელებს იმ პოლიტიკას, რომელიც ამ ქვეყნის ისტორიაში არცერთ სხვა პრეზიდენტს არ გაუტარებია…
