კახეთში, სოფელ ზემო მაჩხაანში 5 წლის ბავშვი დაიღუპა. ოჯახის წევრები მომხდარში ექიმს ადანაშაულებენ, რომელმაც მათი თქმით, ბავშვს ალერგიული სინჯი არ აუღო.
თავდაპირველად გავრცელდა ინფორმაცია, რომ ბავშვი ენტეროვირუსის გართულების შედეგად დაიღუპა, თუმცა ოჯახი ამას არ ადასტურებს. ამბობენ, რომ 5 წლის ავთო მაძღარაშვილს არ ჰქონდა სიცხე, უბრალოდ სისუსტეს უჩიოდა.
AMBEBi.GE-ს ბავშვის ბიცოლა უყვება, რომ 5 წლის ავთო მაძღარაშვილი კახეთიდან თბილისის კლინიკაში პარასკევს ჩამოიყვანეს. მას პირღებინება აწუხებდა.
,,ხუთშაბათს კარგ ხასიათზე იყო, საღამოს უთქვამს, დავიღალეო. შემდეგ დაიძინა და დილით რომ გაიღვიძაო, მაშინაც ანალოგიურად დაუწუწუნია, როგორც ჩანს სუსტად იყო. თუმცა არც სიცხე არ ჰქონდა, არც გაციების სხვა რაიმე ნიშანი. არაფერს ჭამდა, არც წყალს სვამდა. წაიყვანეს თბილისში. ფილტვებიც დაათვალიერეს და მუცლის ღრუც, არაფერი საეჭვო არ შეუნიშნავთ.
ბავშვის გარდაცვალებასთან დაკავშირებით დანიშნულია ექსპერტიზა.
