საქართველოს ეროვნული ნაკრებისა და ბრიტანული “უოტფორდის” ფეხბურთელის, გიორგი ჩაკვეტაძე მუდმივად ყურადღების ცენტრშია. ის პირველი ფეხბურთელი საქართველოს ნაკრების ისტორიაში, რომელმაც 10 გოლი და 10 საგოლე გადაცემა შეასრულა.
ჩაკვეტაძე დაოჯახებული არ არის, ასევე უცნობია, ჰყავს თუ არა სპორტსმენს რჩეული, თუმცა პერიოდულად ვრცელდება ხოლმე ჭორები და სპორტსმენს სხვადასხვა გოგონებთან აწყვილებენ…
მაგალითად, 2024 წლის ზაფხულში ნაკრების ევროპის ჩემპიონატზე მოპოვებული წარმატების პარალელურად, სოციალურ ქსელში აჟიოტაჟი მსახიობ გოგოლა კალანდაძის შვილის, ელენე ზურაბიშვილის გამოქვეყნებულ ვიდეოს მოჰყვა. თუმცა როგორც მოგვიანებით გაირკვა, ისინი, უბრალოდ, მეგობრები იყვნენ.
სომხეთის ნაკრებთან ორი წარმატებული მატჩის ჩატარების შემდეგ, ჩაკვეტაძე კიდევ მოექცა ყურადღების ცენტრში. ამჯერად ულამაზეს გოგონასთან ერთად გადაღებული ვიდეოთი, რომელშიც წყვილი მაგიდასთან ცეკვავს.
Ambebi.ge ეცადა გაერკვია, ვინ არის გოგონა, რომელიც “ჩაკვესთან” ერთად ვიდეოში ჩანს.
ჩვენი ინფორმაცით, ის წარმოშობით ზუგდიდელი ნუცა კვირკვიაა. გოგონა სოციალურ ქსელში “ჩაკვესთან” ერთად გადაღებულ ფოტოზე წერს: “ჩემი საუკეთესო მეგობარი ჩაკი”.
როგორც ოჯახის ახლობელმა დაგვიდასტურა, ისინი ნამდვილად მეგობრები არიან. ნუცა კავკასიის უნივერსიტეტის სტუდენტია, უყვარს სპორტი. ალბათ ეს არც არის გასაკვირი, რადგან ცნობილი ქართველი ვეტერანი ფეხბურთელის ოთარ გაბელიას დის შვილიშვილია. ნუცას ბებო ცნობილი გინეკოლოგო იყო, ბაბუა ქირურგი.
სხვათა შორის, ნუცა პირველად არ მოექცა საზოგადოების ყურადღების ცენტრში. 2020 წელს სოციალურ ქსელში გავრცელდა ხუთი ზუგდიდელი გოგონას ფოტო, რომელმაც უამრავი ნახვა და მოწონება დააგროვა. ფოტოზე გახლდათ ნუცა კვირკვიაც.
რაც შეხება “ჩაკვეს”, მას კოლეგებისგან განსხვავებით, მედიასთან საუბარი არ უყვარს. ამიტომ მისი ინტერვიუები რთულად მოსაპოვებელია. 2023 წელს, გიორგის დედა, მთვარისა რუხაძე “კვირის პალიტრასთან“ საუბრისას ამბობდა:
“სერიოზული ურთიერთობა აქამდე არ ჰქონია. ამ მხრივ აქტიურობით დიდად არ გამოირჩევა. გოგონები უფრო აქტიურობდნენ, აქ რომ იყო, ეზოში მოდიოდნენ და ყვიროდნენ: “ჩაკვე, ჩამოდი! ჩაკვე, ჩამოდი!”
