ხვიჩა კვარაცხელიამ, საქართველოს ეროვნული ნაკრებისა და ფრანგული გრანდის – “პარი სენ-ჟერმენის” შემტევმა, თავი უკვე მყარად დაიმკვიდრა მსოფლიო საფეხბურთო არენაზე. მისი კარიერული წარმატებები, გამორჩეული თამაში და პიროვნული ხიბლი მას ქართულ საზოგადოებაში განსაკუთრებულად პოპულარულს ხდის. ბუნებრივია, ფართო საზოგადოება ინტერესდება არა მხოლოდ ხვიჩას კარიერით, არამედ მის ოჯახზეც.
მომხმარებლებისთვის კარგად ნაცნობია მისი რჩეული – ნიცა თავაძე, ხშირად ვისმენთ ინტერვიუებს ხვიჩას მშობლებთან, და ვიცით, რომ მისი უმცროსი ძმა, თორნიკე, რომელიც უკვე საუცხოოდ აჩვენებს საკუთარ თავს საფეხბურთო გზაზე.
თუმცა, ბევრისთვის ნაკლებად ცნობილია კვარაცხელიას უფროსი ძმა – ნიკა. ის იშვიათად ჩნდება მედიის ყურადღების ცენტრში და არც სოციალურ ქსელებშია აქტიური, რაც მას კიდევ უფრო საინტერესოს ხდის.
ცოტა ხნის წინ ნიკა გადაცემაში “Sportშოუ”-ში ვიხილეთ. სტუმრობისას მან გულწრფელად ისაუბრა როგორც თავის გამოცდილებაზე, ხვიჩას კარიერაზე, მათ ურთიერთობაზე და ოჯახურ ფასეულობებზე. მისივე თქმით, ფეხბურთი მათ ოჯახში ბავშვობიდან მნიშვნელოვანი იყო, თუმცა თავად არჩევანი სხვა გზაზე გააკეთა.
:საფეხბურთო მონაცემები მეც მქონდა, მაგრამ ბავშვობიდანვე ისეთი მონდომებული არ ვიყავი, როგორც, მაგალითად, ხვიჩა. რა მონაცემებიც მქონდა, იმის ხარჯზე, სადამდეც მოვახერხე, “გავქაჩე”, მერე თავი დავანებე. Youtube ლიგას რაც შეეხება, კარგად ვითამაშე, ძალიან კმაყოფილი ვარ. ცუდს ვერავინ იტყვის.
5 თამაში ვითამაშე და ჩემი სტატისტიკა მაქვს: 5 თამაშში, პატარა მოედანზე, ჩემი გუნდის კარში 2 ჯარიმა და 2 პენალტი გაიტანეს. ერთი ჩვენს კარში გავიტანეთ და ასე გამოვვარდით (იცინის). გათამაშებიდან გოლი არ გაუტანიათ.
სხვათა შორის, ერთ-ერთმა კომენტატორმა თქვა, ერთი რამ გავიგეთ, ხვიჩა კვარაცხელიაზე უკეთესი მცველი ნიკა კვარაცხელია ნამდვილად არისო.
“ფიფაში” ვერ ვუგებ, რასაც მოედანზე აკეთებს, იმაზე მაგარია “ფიფაში”, საოცრად თამაშობს. სხვათა შორის, ახლა ჩამოსული რომ იყო, პადელი ვითამაშეთ, მომიგო”, – ამბობს ნიკა კვარაცხელია გადაცემაში.
