„იმედის“ საერთაშორისო მუსიკალური პროექტების პროდიუსერი სოფო ტოროშელიძე მიმართვას ავრცელებს და ამბობს, რომ არხზე ყოფნით, არნახულ მარაზმსა და საშინელ პროპაგანდას ეწევა.
„ამ მომენტში მინდა ვისაუბრო იმ სოფო ტოროშელიძეზე, რომელიც ემსახურება იმ არხის რეიტინგს, რომელიც ჩემთვის მიუღებელ, არნახულ მარაზმსა და საშინელ პროპაგანდას ეწევა. ვიცი ამ განცხადებით რა პრობლემასაც ვიქმნი, თუმცა ჩემი მორალი და ის, რაც ცხოველებისგან განგვასხვავებს – ნამუსი, მეუბნება, რომ ახლა ყველაზე არასწორია, რომ ეს ყველაფერი ასე მარტივად გავაგრძელო და გავაკეთო“ – ამბობს მუსიკოსი.
