ნინი ბადურაშვილმა ტელეკომპანია „იმედის“ დატოვების შემდეგ ambebi.ge-სთან საუბარში იმ სიტუაციაზე ისაუბრა, რომელშიც ქვეყანაში არსებული ვითარებიდან გამომდინარე, მომღერლები არიან.
ჟურნალისტის კითხვაზე –
„ძალიან არ მომწონს აგრესიული შევარდნები ადამიანების გვერდებზე სოციალურ ქსელში და მითითება როგორ უნდა მოიქცნენ. რატომღაც მომღერლები არიან ყველაზე თვალშისაცემები, ადამიანები, რომლებიც ხელოვნებას ემსახურებიან. ისინი ისეთ დაბალ ხელფასზე ცხოვრობენ, რომ არ გვაქვს ჩვენ ამის უფლება.
მე ჩემი გადაწყვეტილებით გავაუქმე.ქვეყანაში არსებული ფონი იმდენად მამძიმებდა და იმდენად არ ვიყავი საახალწლო განწყობაზე, რომ ჩემი ხასიათიდან და მდგომარეობიდან გამომდინარე გადავწყვიტე არ მემღერა, არ მქონდა ამის სურვილი. მაგრამ მე ვერასოდეს ვეტყვი ადამიანს, რომ შენ არ იმღეროო, კიდევ ერთხელ გიმეორებთ, ბევრი მომღერალი ელოდებოდა ახალ წელს, რომ გაზისა და სინათლის ფული გადაეხადა.
როდესაც ადამიანი სცენაზე დგას, ცდილობს, კარგად გამოიყურებოდეს, ელემენტარულად კაბა შეიკეროს, იმის იქით რა ხდება, არ ფიქრობენ. ზოგ მომღერალს იმის საშუალებაც არ აქვს რომ ტელევიზიაში სტუმრად მივიდეს, ტაქსის ფულზე უწევთ ადამიანებს ბრძოლა. ყველას მიმართ თხოვნა იქნება, რომ ყველამ ჩვენი საქმე ვაკეთოთ, არ ვაიძულოთ ადამიანები, არ ჩავაგდოთ უხერხულ მდგომარეობა და არ ვაიძულოთ რაღაც გააკეთონ…“, – ამბობს ნინი ბადურაშვილი.
