მომღერალი თამრიკო ჭოხონელიძე ირაკლი კობახიძეს და “ქართული ოცნების“ წევრებს მიმართავს და ეუბნება, რომ ქვეყანა იმ ადამიანებს უნდა დაუტოვოს, რომლებიც 30-ე დღეა საპროტესტო აქციაზე დგანან და ქვეყნის გადარჩენისთვის იბრძვიან.
ჭოხონელიძე გაკვირვებას ვერ მალავს იმ თაობის მიმართ, რომლებმაც “კარგად იციან, რას ნიშნავს ყველაზე დიდი მტერი.“
კობახიძეს და მის გუნდს მინდა ვუთხრა, რომ ეტყობა არ გაუვლია რუსთაველზე, ქვეყანა უნდა დაუტოვოს იმათ, ვინც რუსთაველზე დგანან. იქ დგანან ადამიანები დიდი გაგებით, პატრიოტიზმით და ბრძოლის უნარით, რომელიც ქვეყნის გადარჩენისთვისაა მომართული.
ეს ახალგაზრდები ასეთი ანთებულები თუ იყვნენ, ნამდვილად არ გვეგონა. მინდა ვთქვა გაოგნება, ასეთმა ახალგაზრდებმა თუ იციან, რას ნიშნავს ყველაზე დიდი მტერი, უფროსი თაობა რას ფიქრობს? მათ ხომ ყველაზე კარგად იციან, რას ნიშნავს საბჭოთა კავშირი?!
მამუკას და მისი გუნდის წევრებს მინდა ვუთხრა, აბა ვის უნდა დაუტოვო ქვეყანა? იმ ადამიანებს, ვინც საპროტესტო აქციებს მართავენ, 30-ე დღეა და არ იღლებიან, აბა იმას უნდა დაუტოვო, 10 კაცი რომ ერთს ურტყამს?!“, – განაცხადა ჭოხონელიძემ გადაცემა “რეაქციაში“.
მისი თქმით, დროა გონს მოეგნენ და წავიდნენ.
“უნდა წავიდნენ, მშვიდობით, რადგან ჩვენ მშვიდობით ვდგავართ და მტკიცედ ვიდგებით“,- დასძინა მან.
